As Brigadas de Al-Qassam, sección armada de Hamas, afirmaron que onte 9 de xaneiro, ás 8 da mañá, dispararon un mísil Grad contra a base aérea militar Tal Nouf, a maior do exército israelí. A base está situada a 45 km de Gaza, ao nordeste da cidade de Jdira. É o lanzamento máis distante até o momento.

O comunicado sinala que o exército israelí cometeu un erro con esta guerra. “Empurra as súas tropas cara á trampa preparada polos nosos combatentes. Os nosos soldados están agardado con impaciencia para darlles a lección que se merecen. Os próximos días demostrarán a estupidez de Barak ao decidir entrar en Gaza”.