Despois de que a CNN confirmara que fora o Estado fantasma de Israel quen rachara a tregua, agora son os propios israelís quen teñen que admitir unha realidade que a esmagadora maioría dos medios burgueses falsean. O pasado venres, 9 de xaneiro, o voceiro israelí, Marx Regev, ante as cámaras de More4News, viuse obrigado a admitir que entre o 19 de xuño e o 4 de novembro, durante a tregua entre Israel e a Resistencia palestina, non houbo nin un só lanzamento de foguete ou morteiro desde Gaza aos territorios ocupados polos sionistas.

Seica agora a razón do ataque é que Hamas estaba a construír túneles... para secuestrar soldados israelís! A vergonzosa escusa deixa claro que Israel non precisa de ningunha razón para encher as rúas de Gaza de sangue, aínda que os medios nós repitan a mesma mentira mil veces. Si, como Goebbels.

Mentres, en Gaza, os asasinados son xa 971 e o número de feridos chega a 4.418.