O sábado, 31 de xaneiro de 2009, o camarada Vasilis Papasotiriu morreu na súa casa en Atenas.

O camarada Vasilis Papasotiriu, comunista revolucionario, foi membro do revolucionario Partido Comunista de Grecia desde 1941, do partisano Exército Popular de Liberación Nacional (ELAS) e do Exército Democrático de Grecia (DSE). Mantivo a súa loita contra o revisionismo krushchevista e foi fiel á liña revolucionaria de Stalin e Zachariades** até a súa morte.

Foi presidente do Movemento para a Reorganización do Partido Comunista de Grecia 1918-55 e editor do periódico Anasintaxi.

O seu funeral tivo lugar na aldea de Marathias, en Nafpaktos, hoxe luns.

--------------------------------------------------

*N. de Estoutras: Máis coñecido como Anasintaxi (Reorganización). Naceu en 1996, cando se unen pequenos grupos marxistas-leninistas como o Movemento por un Partido Comunista Unido de Grecia, antigos exiliados comunistas na URSS e excombatentes da Exército Popular de Liberación Nacional (sección armada da Fronte de Liberación Nacional, principal movemento de resistencia antifascista). Esta a organización defende a tese de que o Partido Comunista de Grecia (KKE), como partido comunista revolucionario, só existe até 1955. A partir desa data, cando fala do KKE emprega a fórmula K”K”E. Publica quincenalmente o periódico Anasintaxi.

** N. de Estoutras elaborada con información extraída do artigo “50 anos desde a masiva rebelión dos comunistas gregos en Tashkent contra o revisionismo krushchevista”, publicado na revista Anasintaxi: Nikos Zachariadis é a figura referente do Movemento pola Reorganización do Partido Comunista de Grecia 1918-1955. En 1949, a guerra contra os monárquicos e os imperialistas anglo-americanos non ten ningunha perspectiva de vitoria, en parte pola traizón dos seguidores de Tito. O Comité Central do KKE, encabezado por Nikos Zachariades, decide o exilio a Tashkent, capital da República Socialista Soviética de Uzbekistán. Coa chegada a Khrushchov e a súa liña revisionista, a dirección revolucionaria do KKE é acosada. Centros de comunistas gregos son condenados: Giorgos Kalianesis, Dimitris Vicios, Nikos Fragos, Giorgos Makris... Un Comité Internacional para “solucionar” o problema do KKE, encabezada polo monicreque krushchevista Georgia Dez, intervén no KKE. Este comité convoca o ilegal pleno de marzo de 1956, que expulsa a toda a dirección. Nikos Zachariades é detido e enviado ao exilio. O KKE aproba a liña revisionista do XX Congreso. A meirande parte dos comunistas gregos (85-95%) rexeitan a traizón e defenden a Zachariades e a Stalin. Non seguintes anos, milleiros de comunistas son expulsados do KKE, controlado polos oportunistas de dereitas Kolligianis, Dimitrios Partsalidis e Markos Vafiades. A década posterior ao 56 foi de represión contra todos os comunistas fieis a Stalin e Zachariades: vixilancia, espionaxe, detencións, encarceramentos, exilio, etc. Moitos deles foron desterrados a Siberia, entre eles Nikos Zachariades, que, após 17 anos no exilio, é asasinado.