Destacados
Principais cambios nas prestacións por desemprego (xullo 2012)
Actualizado o 28 de xullo coas modificacions a respecto dos contratos a tempo parcial e a súa compatibilidade coas prestacións

A insurrección siria no seu contexto
Stephen Gowans

Libia e os medios de comunicación "alternativos"

Libia: o Imperialismo e a Esquerda
Stephen Gowans

Khrushchev Mentiu, o libro de Grover Furr agora en inglés

Georgian Times entrevista a Grover Furr

As Tres Bagoas do Mundial

Como en Grecia: érguete e anda

Sete toneladas de Lenin en Seattle

Liberdade Arenas!

Novo couce á Historia: a OSCE aproba declarar o 23 de agosto Día das Vítimas do Estalinismo e o Nazismo

Holodomor:
Falsificando a Historia
Biblioteca
Marxista-Leninista

Textos

Lenin e a moral comunista
14/03/2009
Nadezhda Krupskaia

Lenin pertenceu á xeración que creceu baixo a influencia de Písarev, Shedrine, Nekrásov, Kobrolúbov e Chernishevski (1); baixo a influencia da poesía revolucionaria da década de 1860. Os poetas de Iskra (2) burlábanse agresivamente das supervivencias da escravitude, combatían a corrupción, o servilismo, a adulación, a hipocrisía, o espírito pequenoburgués e a burocracia. Os escritores da década de 1860 aprenderan a demostrar os esquemas da vida, a mostrar a supervivencia do pasado, as secuelas da escravitude. Desde moi novo Lenin aprendeu a odiar o espírito pequenoburgués, os mexericas, os pasatempos triviais, a vida familiar “á marxe dos intereses sociais”, a transformación da muller en obxecto de diversión, de simple entretemento ou, entón, de escrava. Desprezaba a vida hipócrita e o conformismo. Gustaba moito especialmente do conto de Chernishevski Que facer?, así como da sátira mordaz de Schedrine, das creacións dos poetas de Iskra, dos cales coñecía de memoria moitos versos; gustaba tamén de Nekrásov. Viviu moitos anos emigrado na Alemaña, na Suíza, en Inglaterra, en Francia. Frecuentaba as reunións obreiras, estudaba con atención a vida dos obreiros, observábaos nas súas casas, no seu descanso, no café, durante os paseos... No estranxeiro vivíamos con poucos cartos, en habitacións que alugábamos por prezos módicos e onde habitaba toda clase de xente; comíamos en distintas pensións e restaurantes baratos. En París, Ilich gustaba moito de ir a cafés, escoitar os cantores que entoaban estrofas nas que criticaban con grande mordacidade a democracia burguesa e os costumes. Tiña unha especial predilección polas cancións de Montehus. Este fillo dun comunard compuña versos sobre a vida dos suburbios. Unha tarde, Ilich púxose a conversar con el e a conversa durou até despois da media noite; falaron da revolución, do movemento obreiro, das novas medidas e dos novos costumes que o socialismo crearía.

Vladimir Ilich vinculou sempre estreitamente os problemas morais aos da concepción do mundo...

Cando interveu no III Congreso das Mocidades Comunistas, explicou con exemplos simples, concretos, en que consistía esa moral. Afirmou que as virtudes difundidas nas épocas da escravitude ou da dominación burguesa eran puras mentiras, enganos que só tiñan como finalidade entorpecer o espírito dos obreiros e dos campesiños para o beneficio dos latifundistas e dos capitalistas, e que a moral comunista era produto dos intereses de clase do proletariado. Que a moral comunista debería orientarse, primeiro, á elevación da sociedade humana, para liberala do traballo explotador. A moral comunista ten por base a loita polo reforzo e conquista do comunismo. Demostrou a importancia e a necesidade da cohesión, do dominio do si propio, do traballo incesante para a consolidación do novo réxime social, da disciplina consciente, da mutua solidariedade que permite levar a bo termo as tarefas fixadas. Dicía á mocidade que era posíbel consagrar todo o traballo, todas as forzas á causa común.

A través do exemplo da súa vida, Lenin amosou o xeito de proceder. El non podía nin sabía vivir doutra maneira. Non era un asceta, gustaba de patinar, de andar en bicicleta, escalar montañas, cazar; amaba a música, amaba a vida na súa múltipla beleza, amaba aos camaradas, aos homes. Todos saben da súa simplicidade, do seu riso alegre e contaxioso. Mais todo iso foi subordinado á loita por unha vida luminosa, cultivada, alegre para todos. A súa maior alegría foron sempre os éxitos desa loita. A súa personalidade fundíase, sen esforzo algún, coa súa actividade social...

------------------------------------

1. Membros do movemento revolucionario de liberación de Rusia durante a metade do século XIX que deu eminentes personalidades públicas, filósofos (Chernishevski), publicistas (Dobroliúbov, Písarev), escritores e poetas (Nekrásov, Schedrine).

2. Revista satírica da década dos 60 do século XIX, un dos principais órganos de tendencia democrático revolucionaria. Editada en Petersburgo de 1859 a 1873, distinguiuse pola súa intransixencia en relación aos reaccionarios e aos liberais, pola súa actualidade política. Desempeñou un importante papel na formación ideolóxica da intelectualidade democrática.
2 Comments:
  • At 3/22/2009 06:43:00 da tarde, Blogger Paulo said…

    Grande camarada Lênin! Que sua luta jamais seja esquecida pelos homens e mulheres, que seus ideais permaneçam vivos nos corações dos mais justos e bravos e que tamanha inspiração e exemplo de pessoa nos guie para a vitória comunista!

    Viva Lênin! Viva os sovietes! Viva o comunismo!

    Saudações comunistas, camaradas!

     
  • At 3/22/2009 08:13:00 da tarde, Blogger Brigadista said…

    Obriagado polo comentário, camarada Paulo. Sempre é um pracer contar cos teus aportes. Saúdos comunistas!

     

Enviar um comentário

Nota: só um membro deste blogue pode publicar um comentário.

<< Início
 
Contacto
Música ESONS
Última actualización (13/09/12):
Il Nostro Rancore, Trade Unions
Poesia VERSOS DE COMBATE
Última actualización (24/8/12):
Amencer, Florencio Delgado Gurriarán
Tradutor-Translator-Переводчик-Übersetzer
Arquivo
Pesquisas

ENP Estoutras Notas Políticas. Resolución 1024x768
ecoestadistica.com