27/05/09

Consideramos o lanzamento esta semana de seis mísiles como unha decisión necesaria por parte dos dirixentes da Repúblia Popular Democrática de Corea.

Apoiamos totalmente o restabelecemento do reactor nuclear Yongben para a obtención de plutonio.

Apoiamos plenamente a realización dos ensaios nucleares sen os cales sería imposíbel a tecnoloxía para deseñar un escudo nuclear fiábel para o país.

Saudamos a actual política da RPDC como unha política de fortalecemento da necesaria autodefensa, xa que realmente está dirixida a impedir un ataque militar da actual administración norteamericana liderada por Barak Obama contra a península coreana.

O pobo da RPDC elixiu soberanamente en 1945 o seu camiño de desenvolvemento e a revolución coreana ten o deber de defenderse con dignidade, algo que está a facer agora como xa fixo no pasado.

Esta defensa só pode ser inspirada pola dirección política da RPDC e polo alto patriotismo do pobo, construíndo a súa propia Corea socialista, un próspero estado en condicións extremadamente complicadas no curso do século XX e no presente século.

Continuar cas falsas e baleiras promesas das negociacións con estados armados até os dentes (ben sexan os Estados Unidos, China, Rusia, ou unha Corea do Sur con bases militares norteamericanas e xaponesas), significa retirarse, renderse, debilitar e traizoar ao pobo que confía no liderado dos seus dirixentes e que está preparado para defenderse en calquera momento. Actualmente, aparecen moitos rumores nas axencias de información de todo o mundo, propostas estúpidas sobre novas conversas, mais xa houbo suficientes conversas. Durante este tempo, ningún dos estados imperialistas que participan nas conversas presentaron un plan para o seu propio desarme, senón que, todo o contrario, se armaron aínda máis.

Poden os Estados Unidos presentar no Consello de Seguridade da ONU todas as resolucións que queiran, todas as brutais sancións contra a RPDC. Mais que ninguén esqueza que calquera medida que se leva a cabo contra a RPDC atopará unha resposta nesta. Recomendamos aos participantes nas conversas que teñan coidado á hora de aprobar brutais sancións contra a RPDC. O director da organización norteamericana dedicada a impedir a propagación das armas nucleares Oral Fund, Paul Karol, afirmou recentemente que é perigoso adoptar medidas duras contra a RPDC. As sancións que as Nacións Unidas están planificando poden conducir a unha falta reacción por parte da RPDC. Os nerviosos asesores norteamericanos deberían ter moi en conta as verbas de Karol.

(...)

Deseñando o seu propio sistema enerxético nuclear e o seu propio armamento nuclear, a RPDC está defendendo o seu dereito á independencia e á vida mesma. Se Saddam Hussein tivese realmente WMB-s, os norteamericanos non tiveran invadido Iraq e asasinado vilmente a Saddam nunha sucia acción acordo co espírito da administración norteamericana.

Todos os presidentes dos Estados Unidos tentaron constantemente destruír a RPDC, procurando os camiños máis realistas para acadar este fin. Así foi coa Guerra de Corea de 1950-53, os 60 anos de embargo económico, a astuta política de conversas de Clinton ou a arrogante política de Bush. Todas estas accións obrigaron á RPDC a desenvolver as súas propias armas nucleares, armas que son o único factor que hoxe evita a confrontación.

Hoxe, a RPDC ten unha forte industria nuclear, posuíndo modernas ferramentas de defensa ante calquera agresión e sendo capaz de sobrevivir en condicións que significarían o derrube de calquera outro estado.

(...)

Hoxe, a RPDC está moi por diante en todo o planeta na construción dunha nova sociedade comunista. Desexámoslle, con toda sinceridade, éxito na construción dun forte poder socialista.

Viva o Pobo da República Popular Democrática de Corea, un pobo traballador, un pobo creativo!

Vivan os gloriosos científicos e enxeñeiros que proporcionar o progreso técnico á República Popular Democrática de Corea!

Longa vida ás poderosas forzas armadas da República Popular Democrática de Corea, defensoras da construción socialista!

Longa vida ao Partido do Traballo de Corea, liderado polo Comité Central e a Comisión Militar Central, cerne da construción socialista!

Longa vida a Comisión Nacional de Defensa da RPDC, liderada polo gran Kim Jong Il!

Ler máis