Texto elaborado grazas aos datos e imaxes proporcionados por Juan Nogueira
A República Popular Democrática de Corea ven de rematar con espectacular éxito a “Batalla dos 150 días”. Unha iniciativa para mobilizar a participación de toda a poboación durante 150 días para encetar o camiño de converter a república nunha potencia económica.
A través das asembleas de obreiros, das organizacións políticas e sindicais, mais tamén todas as organizacións artísticas de propaganda e axitación, conseguiron incrementos asombrosos tanto na industria como na agricultura. Por exemplo, a extracción de carbón medrou nun 150% respecto ao pasado ano, a produción de cemento e materiais de construción un 140%. O crecemento industrial, que se situou nos últimos anos entre o 9 e o 10%, segundo Ji Youl-il, director do Instituto de Investigacións Sociais da Universidade Coreana en Xapón, será amplamente superado durante este ano. Moitas empresas teñen como meta para o 2012 triplicar os niveis produtivos actuais, mentres que na minería, a produción enerxética e o transporte ferroviario, os obxectivos chegan a multiplicar por seis os números actuais.
Na agricultura os avances non son menores. É moi probábel que este ano se acaden niveis que non se vían desde os anos 80. As zonas de cultivo e a construción de infraestruturas agrícolas non cesan de medrar.
Nesta campaña política para consciencia aos traballadores do norte de corea da importancia da construción económica nesta fase da Revolución, un dos eixes prioritarios era a construción de vivendas. E isto podémolo ver en Pyongyang, onde a construción de novas vivendas é imparábel: 65.000 apartamentos no barrio de Mangyongde, 15.000 no centro da capital e 20.000 na área do ferrocarril, entre os barrios de Ryokpo e Ryongsong. Todas as vivendas teñen 100 m2.
Por suposto, a construción de vivendas é un esforzo planificado co único obxectivo que o benestar da poboación coreana. Nos próximos anos entregaranse vivendas de nova construción a 100.000 familias en Pyongyang. As vivendas entréganse gratuitamente ás familias, que tan só teñen que pagar unha renda simbólica. Aquí non hai sitio para as burbullas inmobiliarias.
Recentemente rematou a reconstrución do barrio de Mansudae. As novas vivendas deste barrio son o modelo a seguir na construción de vivendas nos próximos anos. A planificación permite repartir eficientemente centros de saúde, centros educativos, zonas culturais, de lecer e deportivas, zonas verdes, tendas estatais, etc.
As imaxes seguintes corresponden ao barrio de Mansudae.
|
Vaia barrios!!
Esto servirá para pechar as bocas dos que critican á RCPC, crendose o discurso imperialista. O desenrolo que está acadando este país socialista é imparábel.
Como me gustaría visitar esa nación modélica...