CIG-Saúde A Conselleira de Sanidade defende a suspensión dos acordos asinados na Mesa Sectorial en base a que o persoal do SERGAS temos que ser solidarios coa situación actual. E en base a esa solidariedade, entrega o financiamento e a xestión á iniciativa Privada, para que obteña beneficios económicos coa sanidade de todos.
A publicación dos orzamentos ven a confirmar os nosos peores temores, pois recollen:
- Un importante recorte orzamentario. - A introdución no sistema dos modelos de financiamento pola iniciativa privada (PFI). Quen gaña e quen perde coas PFI?
GAÑAN
1.- A curto prazo: os gobernos constrúen hospitais en pouco tempo, sacándolle rendibilidade electoral, hipotecan o futuro e pagan os que veñan detrás.
2.- A longo prazo: os consorcios empresariais, especialmente as empresas construtoras, manteñen e amplían as súas carteiras de contratacións conseguindo entre 3 e 10 veces mais ingresos que cós contratos tradicionais do sistema sanitario público.
3.- Sempre: as sociedades financeiras e fondos de inversión, que teñen enormes beneficios económicos a costa dos cartos de todos.
PERDEN
1.- O sistema sanitario público.
- Págase un prezo moi elevado polos novos centros. - Distorsiónase a capacidade de planificación. - Redúcense as prestacións sanitarias. - A hipoteca destes hospitais devora ao resto do sistema.
2.- Os cidadáns e os usuarios.
- Redúcense o nº de camas entre un 30% e un 40%. - Redúcese o cadro de persoal nunha porcentaxe superior ao 25% cos hospitais tradicionais. - Xéranse listaxes de espera moi elevadas. - Substituíuse o principio de solidariedade pólo principio de competitividade rompendo o principio de equidade.
Estes orzamentos non pretenden enfrontar os problemas públicos a través dos servizos públicos, se non recorrendo a experiencias privadas: distribuír a prestación en mercados. O resultado disto tradúcese en:
Para os profesionais
- Os profesionais séntense confusos, como un corcho no océano. - Enfróntanse a unha crecente fragmentación e burocratización do seu traballo. - Decrece a seguridade e estabilidade laboral.
Para os usuarios
- Converten aos usuarios en consumidores competitivos, insolidarios. - Periga a confidencialidade dos datos. - Selecciónanse os doentes en base aos custes dos procesos.
O compromiso deste goberno coas cidades de Vigo, Pontevedra e Lugo para a construción dos novos hospitais tradúcese en:
Hospital de Vigo
- Financiamento con PFI. - Redución do nº de camas. - Inversión de 12 millóns no ano 2010
Hospital de Pontevedra
- Financiamento con PFI. - Ocultan información sobre o hospital único. - Inversión de 1 millón no ano 2010.
Hospital de Lugo
- Privatización da alta tecnoloxía.
A introdución do financiamento mediante a iniciativa privada estendese a tódalas infraestruturas sanitarias, incluíndo aos Centros de Saúde, co que abre a porta á privatización da Atención Primaria.
|
Enviar um comentário
Nota: só um membro deste blogue pode publicar um comentário.