Gloria Rekarte, ex presa política Gara 24/11/2009
Eneko Olza. Detención: Iruñea, 5 de xullo de 2000, no curso do xuízo que se seguía contra el pola queima dun caixeiro automático. Acusación fiscal: Incendio terrorista. Petición fiscal: 15 anos. Proba única: tiña unha cazadora da mesma color que a que aparecía na cámara de videovixilancia da entidade bancaria. Atenuantes: ningún. Condena: 10 anos. Situación actual: encarcerado. José Diego Yllanes: Detención: Iruñea, 7 de xullo de 2008. Acusación: Asasinato. Petición fiscal: 17 anos. Probas: todas. Curso do xuízo: impecábel posta en escena do acusado. Atenuantes: Reparación do dano (económica, enténdase) e embriaguez leve. Condena: 12 anos e medio. Situación actual: encarcerado de momento. Espléndido retrato o da xustiza espida, e dos seus funcionarios, das leis, dos medios... e da sociedade. Mais poucos quixeron reparar en tanto. Os danos a un caixeiro automático valen un chisco menos que a vida dunha muller. Un chisco menos en petición fiscal e en condena, e seguramente bastante máis á hora do cumprimento desta condena. Ante a disidencia vasca, a xustiza sabe como golpear e como semellar implacábel; os medios como crear a alarma social da que botan man os tribunais para ditar sentenza. A sociedade, como sentirse entón satisfeita. Mais ante a posición económica e social de Yllanes, a xustiza, que é calquera cousa menos cega, pregou velas; os medios apagaron os lumes e boa parte da sociedade mostrouse insolitamente comprensiva. Se alguén camiña cunha venda nos ollos, non é precisamente a xustiza |
Enviar um comentário
Nota: só um membro deste blogue pode publicar um comentário.