Partido Comunista Marxista Leninista Turquía/Norte do Curdistán
Oficina Internacional 28/11/09
O reaccionario Estado español tenta, cunha nova vaga de terror contra o movemento xuvenil vasco, debilitar a lexítima loitar polo dereito de autodeterminación da nación vasca. No amencer do 24 de novembro, cando menos 35 mozos foron detidos en redadas en 92 casas e centros sociais de diferentes lugares do País Vasco, e unha gran cantidade de material foi confiscado. As mozas e mozos vascos están acusados de militar na proscrita organización xuvenil SEGI. O Estado español continúa a ser coñecido por practicar a tortura aos detidos. Porén, malia esta represión e terror, a mocidade implicada na lexítima loita de liberación vasca confrontará este novo ataque coa súa resistencia. Facemos un chamamento a todos os partidos e organizacións progresistas, revolucionarias e comunistas para que amosen a súa solidariedade coa mocidade vasca e coa súa loita de liberación, e protesten contra este novo acto de terror do Estado español. Longa vida á solidariedade cos pobos oprimidos, desde o Curdistán até Euskal Herria! Por unha Euskal Herria libre e socialista! |
O MLKP amosa un gran compromiso internacionalista ao facer tal comunicado.
Así é como deberían actuar todas as organizacións que se din comunistas no mundo enteiro. Parece mentira que ainda dentro dunha mesma nación haxa algúns que non amosen apoio e solidariedade con presos políticos simplemente porque non son das súas mesmas siglas. É incríbel que isto aconteza tamén en Galiza.
Moitos deberían aprender dos camaradas do MLKP.
Solidariedade coa loita de liberación vasca!!!