Uns 70.000 cadros, militantes e seguidores da Fronte Popular para a Liberación de Palestina e xentes da Franxa de Gaza reuníronse no Estadio Palestina o 12 de decembro para celebrar o 42º aniversario da FPLP, colapsando as rúas contiguas e portando bandeiras palestinas, pancartas da FPLP e carteis dos líderes e mártires da Fronte.
Desde as primeiras horas da mañá, unha multitude de mozos e vellos, homes, mulleres e nenos viaxaron desde as diferentes provincias da Franxa de Gaza e de todos os campamentos e aldeas da cidade para acudiren á manifestación, respondendo ao chamamento da Fronte para asistir baixo o lema de “Unidade, firmeza e resistencia. Até a vitoria!”.
O camarada Dr. Rabah Muhanna, membro do Comité Político da FPLP e xefe do partido en Gaza, chamou a manter e aumentar a resistencia xeral e, en particular, a loita o inimigo sionistas, avogando por unha resistencia coordinada a nivel nacional ao servizo da loita pola recuperación dos dereitos palestinos.
O camarada Muhanna fixo fincapé que o camiño das negociacións, desde Oslo até Annapolis, claramente chegou á súa fin, e apostou por unha declaración de todas as forzas palestinas para declarar a morte de todas as chamadas “negociacións” e a fin do chamado “período transitorio”, incluíndo acabar con toda coordinación en materia de seguridade co ocupante.
Fixo un chamamento urxente á unidade nacional, dicindo que é unha necesidade para a vitoria e que todos os detidos políticos na Ribeira Occidental e en Gaza deben ser liberados, e debe estabelecerse unha unidade baseada na cuestión nacional palestina e o intereses nacional, como resposta aos sacrificios de miles de palestinos mártires, feridos e prisioneiros: acadar un Estado independente con Xerusalén como capital, a autodeterminación e o regreso.
O camarada Muhanna homenaxeou ao pobo palestino na Palestina ocupada no 48, na Ribeira Occidental, en Gaza, nos campamentos, e en todo o mundo da diáspora e o exilio, expresando a completa determinación da Fronte para loitar polo consecución da vitoria total sobre o réxime ocupante, fascista e criminal.
Esbozou a experiencia histórica da Fronte na súa confrontación co sionismo, como unha extensión da loita do Movemento Nacionalista Árabe. Dixo que a Fronte continuará polo camiño da súa histórica loita revolucionaria para acadar a vitoria e derrotar ao inimigo sionista e criminal, e aos que lle proporcionan o seu poder para agredir e debilitar ao pobo e impedir o seu progreso, o campo imperialista baixo o salvaxe liderado dos EUA.
O camarada Muhanna acabou o seu discurso cun chamamento á unidade nacional, apelando ás cores da bandeira palestina e das distintas organizacións palestinas: o verde de Hamas, o branco de Al Fatah, o negro da Yihad Islámica e o vermello da FPLP, chamando a todo o pobo a unirse baixo a bandeira nacional palestina.
Almazah Sammouni, que perdeu a súa familia na agresión a Gaza de decembro de 2008-xaneiro de 2009, dixo: «Hoxe vin aquí non para chorar pola miña familia», a familia Sammouni, «que pereceron baixo o fogo e os mísiles dos ocupantes como milleiros de mártires do noso pobo, senón que veño declarar o meu orgullo polos seus sacrificios e compromiso». Fixo un chamamento a todas as forzas palestinas, en particular Fatah e Hamas, para unirse baixo a bandeira do sangue dos mártires e a promesa dun futuro mellor para o pobo e as súa crianzas, e para loitar para levar ante os tribunais internacionais aos ocupantes e os seus dirixentes polos crimes cometidos contra o Pobo Palestino.
A camarada Amna Rimawi, esposa do camarada preso Majdi Rimawi e xefe do consello da aldea de Beit Rima, un dos heroes da lendaria operación do 17 de outubro contra o extremista ministro de turismo Rehavam Ze’evi, falou no acto, saudando no nome dos presos, e chamando a filas aos captores do soldado ocupante Gilad Shalit para que sigan os criterios que teñen para o troco de prisioneiros, porque as familias e os prisioneiros saben que a súa liberación só pode chegar a través da resistencia.
Mohammad Khalidi, un obreiro palestino desempregado, falou co seu uniforme de traballo, denunciando a pobreza e o paro causado polo asedio e a ocupación. Dixo que: «Estamos aquí para amosar a nosa firmeza obreira na cara da máquina de guerra sionista, o inxusto acosa e o terríbel desemprego.»
O acto, presidido polo camarada Hani Al-Thawabteh, membro do Comité Central da Franxa de Gaza, e a camarada Shireen Abu-Oun, tamén contou con poesía, representacións artísiticas, e ducias de mensaxes de felicitacións dos líderes da FPLP Hilda Habash, a esposa do fundador Dr. George Habash, e o Secretario Xeral da Fronte, o encarcerado Camarada Líder Ahmad Sa’adat.
A camarada Shireen Abu-Oun, o camarada Dr. Rabah Muhanna e o camarada Al-Thawabteh
A camarada Almazah Sammouni
O camarada Dr. Rabah Muhanna
O camarada Hani Al-Thawabteh
|
Inda son uns cantos, non é?