Lenin Febreiro de 1920
Camaradas! As eleccións para o Soviet de Moscova teñen que demostrar que o Partido Comunista se asenta no seo da clase obreira.
As obreiras deben participaren en maior número nas eleccións. Primeiro e único no mundo, o poder dos soviets aboliu completamente todas as vellas leis burguesas, as abominábeis leis que situaban á muller nun estado de inferioridade en relacións ao home, que recoñecían ao home, para citar apenas un exemplo, unha posición de privilexio na esfera do dereito matrimonial e das relacións cos fillos. Primeiro e único no mundo, o poder dos soviets, como o poder dos traballadores, aboliu todas aquelas vantaxes que, orixinadas na propiedade, aínda hoxe son atribuídas ao home no dereito familiar nas repúblicas burguesas máis democráticas.
Onde existen latifundistas, capitalistas e comerciantes, non pode existir igualdade entre o home e a muller, nin mesmo diante da lei.
Onde non existen latifundistas, capitalistas e comerciantes, onde o poder dos traballadores constrúe unha nova vida sen estes explotadores, existe na lei a igualdade entre o home e a muller.
Mais non abonda.
A igualdade na lei non é aínda igualdade efectiva.
Cómpre que a obreira conquiste a igualdade co obreino non só na lei, senón tamén nos feitos. Por iso as obreiras deben participaren cada vez máis na xestión das empresas públicas e na administración do estado.
As mulleres farán rapidamente a súa aprendizaxe na administración e estarán á altura dos homes.
Elixide, xa que logo, para o soviet un maior número de obreiras, tanto comunistas como sen partido. Desde o momento que unha obreira é honesta, consciente e renda ben no traballo, que importa que non pertenza ao Partido? Elixídea para o Soviet de Moscova!
Máis obreiras para o Soviet de Moscova! Que demostre o proletariado moscovita que está disposta a facer todo, loitar até a vitoria, para loitar contra a vella desigualdade, contra a vella humillación burguesa sobre a muller!
O proletariado non acadará a emancipación completa se non conquista primeiro a completa emancipación das mulleres! |
Enviar um comentário
Nota: só um membro deste blogue pode publicar um comentário.