Comité de Solidariedade coas Presas e Presos PolíticosA prensa local informaba hoxe dunha concentración celebrada onte en A Coruña en solidariedade co xuíz da Audiencia Nacional Baltasar Garzón Real. Garzón está sendo procesado -entre outras cousas- por un posíbel delito de prevaricación no dossier concernente ás resarcimento dos familiares das vítimas do franquismo. Manuel Rivas foi o encargado de ler o comunicado da “Plataforma Galicia con Garzón e coas vítimas do franquismo”. Segundo recolle “El Correo Gallego” Rivas recordaba a traxectoria dun xuíz que “traballou de xeito pioneiro dende hai anos, con risco da súa vida para combater a alta delincuencia, a violencia terrorista e a corrupción política”. Evidentemente, os organizadores deste acto “solidario” co xuíz máis represor de toda a historia da Audiencia Nacional, esquecer apuntar algúns “detalliños” sobre tan brillante “traxectoria”. Como por exemplo o peche do diario EGIN, da revistas Ardi Beltza e Área Crítica a finais dos anos 90. Ou a detención no 2001, da dirección de Gestoras Pro-Amnistía. Detencións que iniciarían toda unha serie de ataques ás organizacións políticas -legais até entón- do MNLV e que logo ían culminar coa ilegalización de Batasuna no 2002. O Xuíz Garzón tamén ilegalizou ao Partido Comunista de España (reconstituído) nun auto publicado o 18 de marzo de 2003. Virtude de todas estas actuacións ducias de homes e mulleres sen ningunha relación coa loita armada se atopan actualmente pagando longas penas de prisión, varios deles galegos. Case todos foron, ademais, torturados. Tal é o caso, entre outros, do combatente antifascista dos GRAPO Suso Cela Seoane brutalmente torturado no ano 1990 ou o de Iolanda Fernández Caparrós e Aurora Cayetano Navarro condenadas a 11 anos de prisión por militar no PCE(r). Iso por non falar das numerosas arbitrariedades cometidas nas instrucións dos sumarios, o alongamento innecesario das prisión preventiva (tres anos e medio no caso do membro deste COMITE Marcos Regueira Fernández) etc, etc. Por todo isto, porque non nos falla a memoria (nin a “histórica” nin sobre todo a de “agora”) dende este COMITÉ non só non nos imos solidarizar xamais con semellante personaxe, senón que tampouco imos deixar de denuncialo como o que é: un autentico verdugo ao servizo do renovado fascismo español.
|
PRESO STALINISTAK ASKATU!