A Fronte Popular de Liberación de Palestina condenou o último masacre israelí en alta mar, en augas internacionais, o brutal asalto da internacional Frota da Liberdade a Gaza o 31 de maio de 2010. Os piratas do terrorista estado de Israel, dixo a Fronte, atacaron o barco de axuda humanitaria e solidariedade internacional con comandos armados; a Fronte dixo que este é o último crime de lesa humanidade cometidos polo estado ocupante, demostrando o seu desprezo polo dereito internacional.

A Fronte saudou a todos os membros da Frota da Liberdade, especialmente aos mártires e feridos, afirmando que se trata de mártires do Pobo Palestino, da Causa Palestina e da loita de todos os pobos pola liberación, a xustiza e a liberdade que se converten en inmortais da nosa loita, e que os prisioneiros da Frota son, xunto cos prisioneiros da nación árabe palestina, prisioneiros da liberdade nas mans dos terroristas ocupantes.

Instou ás organizacións de palestinos na Palestina e no exilio e a todas as forzas progresistas do mundo a continuaren e incrementaren as súas accións ante as embaixadas e consulados israelís, tomando o exemplo do pobo turco ocupando a embaixada israelí en Ancara, e esixiu o inmediato cese de calquera negociación, directa ou indirecta, co réxime asasino.

A Fronte demandou a todas as nacións árabes a fin das súas relacións co estado ocupante, demandando accións internacional a nivel oficial para levar aos líderes criminais do estado ocupante ante tribunais internacional para ser severamente castigados polos seus crimes. Ademais, a Fronte afirmou que o goberno dos Estados Unidos e todos os gobernos cómplices son responsábeis deste último crime e de todas as accións criminais que o estado ocupante comete contra o pobo árabe palestino.

A Fronte comprometeuse a seguir o exemplo destes activistas, os últimos mártires da grande loita popular pola liberación e o retorno e pola xustiza fronte ao ocupante e invasor. A FPLP asegurou que estes vivirán na determinación e na resistencia do Pobo Palestino por conseguir xustiza, liberdade e a fin do estado terrorista.

Ler máis