CEIVAR
03/06/10

Após reiteradas denúncias no julgado de vigiláncia penitenciária e mais dumha semana de greve de comunicaçons e chapeo, o preso independentista Ugio Caamanho conquistou as reivindicaçons primárias das que até o momento era privado.

Falamos de direitos que assistem a qualquer pessoa presa e que a Ugio lhe vinham sendo vulnerados sistematicamente desde a sua transferência para o cárcere de Valdemoro primeiro, e Dueñas depois, com a intençom de puni-lo polo seu compromisso social e patriótico, e minar-lhe a moral a ele e aos seus seres queridos. Portanto a direcçom da prisom La Moraleja viu-se na obriga de regularizar as comunicaçons do Ugio com o exterior. Foi-lhe entregada a correspondência retida e admitida a autorizaçom para a recepçom de visitas e a realizaçom de vis a vis com a sua companheira.

Neste novo contexto Ugio abandonou onte as medidas de protesto que levou avante na última semana com a moral alta e a firmeza de quem nom se achica ante as adversidades.

De Ceivar parabenizamos ao militante galego e aos seus familiares, amig@s e companheir@s
por esta modesta mas valoriosa batalha ganhada. Portanto parabenizamo-nos também, porque a dignidade dos presos independentistas é a nossa própria dignidade.

ANTES MORTOS QUE ESCRAVOS!!
LIBERDADE INEPENDENTISTAS!!