Galina Savchenko
Northstar Compass
Xuño 2010


Komsomolec Deni e eu, Galina Savchendko, tenente do Exército Soviético, fomos a Moscova desde Kiev o 9 de maio de 2010, con fin de render tributo aos grandes líderes -Lenin e Stalin- que están cerca do gran Kremlin, debaixo do Muro da Praza Vermella, na que o 9 de maio de 1945 os nosos pais e avós tiraron os estandartes alemáns capturados ao derrotado inimigo.

Abraiounos o discurso do Presidente ruso Medvedev: «Loitaron polo noso país», «o noso país libre», «a nosa Patria libre»! Mais nin unha soa vez o Sr. Medvedev dixo que en 1945 os nosos pais e avós liberaron a Unión Soviética!

Tamén nos sorprendeu a maneira coa que foi decorada a Praza Vermella. O Mausoleo de Lenin estaba cuberto coas cores branquiazuis da traidora bandeira de Vlasov1. Foi baixo esta bandeira e as súas cores como Vlasov* e os seus traidores serviron a Hitler e á Alemaña fascistas contra o seu propio pobo! O Muro do Kremlin onde están soterradas as cinzas dos heroes soviéticos, estaba a propósito cuberto con butacas para os convidados estranxeiros, coas bandeiras de Vlasov ondeando sobre as súas cabezas. O Sagrado Símbolo da Vitoria que os heroes do Exército Soviético portaban na Praza Vermella no Desfile da Vitoria en 1945, estivo en segundo plano durante o desfile, detrás das traidoras bandeiras de Vlasov.

Após 65 anos da Vitoria, a actual clase capitalista “está a celebrar a Festa Soviética”? Eles non son quen de achegarse á dedicación dos nosos pais, que cando tiñan 20 anos defenderon a URSS e Europa do fascismo. Estes luzmegos e falsificadores da nosa historia están a tentar luxaren a nosa Bandeira Roxa, símbolo da nosa grande vitoria!

Nin na Rusia, nin na Ucraína, nin inclusive os medios de comunicacións estatais lembran os heroes soviéticos como Zoya Komsomolskaya, ou a heroica Xove Garda Roxa, ou Alexei Matsieva, ou Alexander Matrosov, heroes da admirados e seguidos polas novas xeracións soviéticas. Non se mencionan aos millóns de comunistas e membros do Komsomol que inzaban a Praza Vermella durante o Desfile da Vitoria en 1945! Iso si, o Sr. Medvedev afirmou que: «todos os partidos de Rusia son iguais ante os medios de comunicación rusos»!

Alegrámonos moito cando a xente da Praza Vermella viu o retrato de Stalin e o Chamamento aos verdadeiros comunistas dos Amigos Canadenses do Pobo Soviético e da Northstar Compass: “VOLVER AO FUTURO! VOLVER Á URSS!”

No Teatro Bolshoi reuníronse todos os veteranos da guerra. Fronte a un retrato de Stalin, había coladas grandes flores. Os veteranos de guerra, a primeira liña de loitadores, foron un a un até o retrato de Stalin para bicalo sinceramente, ofrecer o seu respecto e honrar o seu Comandante en Xefe! Vivimos soportando a histeria anti Stalin de Khrushchev, Gorbachev e Yakovle! A pérfida posición de Putin e Medvedev a respecto da traxedia de Katyn, atribuíndoa á URSS e a Stalin, non vai triunfar! Stalin para nós é o símbolo da nosa Grande Vitoria sobre o fascismo e do renacemento da URSS após 1945. Canto máis sabemos de Stalin, máis o honramos como un líder honesto e ao servizo da Unión Soviética. Foi Stalin quen nos uniu a todos na grande URSS e no Pobo Soviético. Foi a época da colectivización, da industrialización e tamén da construción da Liña de Ferrocarril Baikal-Amur. Stalin fixo da Unión Soviética a nación máis poderosa fronte aos inimigos externos e internos.

Os corazóns e as almas de todos os Soldados do Exército Roxo e de todos os soviéticos que deron as súas vidas na batalla por esta grande VITORIA, poden estar certos: Loitaron e morreron pola nosa Grande Patria -a URSS-, que renacerá como baluarte da paz, o progreso e o Socialismo!



*Andrey Vlasov, covarde traidor que desertou do Exército Roxo para se pasar ao bando nazi, liderando ese esperpento creado pola Alemaña Nazi, o Exército de Liberación Ruso. Como tantos outros nazis, coa fin da guerra e a vitoria soviética, foxe a Arxentina. Mais é capturado, xulgado e axustizado na forca. Co chegado dos revisionistas liderados por Khrushchev ao poder, os antigos colaboracionistas do Exército de Liberación Ruso son perdoados.