Partido Comunista Libanés Beirut, 3 de agosto de 2010.
Nota necrolóxica do noso mártir Assaf Abou Rahal, quen se uniu ao longo listado de mártires do partido, da resistencia e do país.
O Secretariado Político do Partido Comunista Libanés lembra ao camarada mártir Assaf Abou Rhal, correspondente do xornal Al-Akhbar, asasinado mentres realizaba o seu deber xornalístico cubrindo o enfrontamento do Exército Libanés co inimigo israelí que tivo lugar esta tarde (terza feira, 3 de agosto de 2010) na vila de Al-Adaisseh, no sur do Líbano.
O camarada Assaf uniuse ao Partido Comunista Libanés a comezos dos setenta, participando en todas as etapas da loita: inicialmente como defensor dos dereitos dos obreiros e da xente pobre do rural, nomeadamente na súa vila de Al-Kfeer. Continuou esta loita até 1982, cando se une á Fronte de Resistencia Nacional do Líbano, creado nesa data para loitar pola liberdade da nosa terra da maldición da ocupación israelí. Hoxe, continuou a súa permanente loita contra o inimigo israelí ao ser martirizado, xunto aos mártires do Exército Libanés, para se unir ao listado de mártires do Partido Comunista Libanés que caeron exercendo o seu deber nacional de defender a nosa terra e a nosa soberanía. |
Enviar um comentário
Nota: só um membro deste blogue pode publicar um comentário.