A morte dun soldado dos Estados Unidos adscrito á Forza Internacional de Asistencia á Seguridade (ISAF) no curso dun combate no leste afgán elevou hoxe a 500 os falecidos dos ocupantes estranxeiros en 2010.

O portal independente Icasualties.org comunica ademais que esa cifra sinala o notábel medre das baixas mortais dos Estados Unidos e a OTAN en comparación coas 521 rexistradas en todo o 2009.

Namentres, o militar estadounidense morte nun enfrontamento coas forzas insurxentes suma o quinto en setembro e o 321 desde o 1 de xaneiro deste ano, o máis sanguento desde a invasión a Afganistán en outubro de 2001.

Tamén, voceiros da ISAF confirmaron a morte dun soldado xeorxiano pola detonación dunha bomba no convulso sur afgán. Outro resultou ferido pola explosión.

Xeorxia mantén 925 soldados en Afganistán, incluíndo 750 con base na provincia de Helmand, a rexión máis violenta do país.

Neste conflito con case nove anos, os Estados Unidos e a OTAN contan cuns 150 mil militares ocupantes sobre o terreo, entre eles os 30 mil soldados do Pentágono suplementares.