SOLIDARIEDADE CO POBO SAHARAUI

A ditadura marroquí, coa complicidade das institucións internacionais ONU e Unión Europea, e a posición dos diferentes gobernos do estado español de non cumprir coa responsabilidade que como potencia colonizadora teñen, está levando a cabo un xenocidio contra o pobo saharaui.

Asasinatos, detencións, torturas e desparición de detidos, están na orde deste día nesta espiral de violencia desatada por Marrocos, que usurpa dende hai máis de 35 anos un territorio que nunca lle pertenceu e nin a ONU lle reconoce.

É precisa a solidariedade para parar este xenocidio, e levar aos culpables diante diante dos tribunais internacionais.

O actual goberno do estado español, non pode seguir escondendo as súas responsabilidades e debémoslle esixir que actúe con determinación diante dos organismos internacionais e que defenda, tamén neste caso, os dereitos humanos que se están a conculcar pola sanguenta ditadura do monarca alauita.

APOIA A MANIFESTACIÓN QUE SE VAI CELEBRAR EN LUGO O VINDEIRO DÍA 22, E QUE SAIRÁ ÁS 20:00 HS. DIANTE DA SUBDELEGACIÓN DO GOBERNO EN LUGO (PZA. ARMAÑÁ)