MANIFESTACIÓN O SÁBADO 20 DE NOVEMBRO EN FERROL, CON SAÍDA ÁS 12H DA PRAZA DE ESPAÑA.
NON Á PRIVATIZACIÓN DO COLEXIO SOUTO DE LEIXA!!! O PÚBLICO É SERVIZO, O PRIVADO BENEFICIO.
Na actualidade hai 117 traballadores/as no CEE Terra de Ferrol, dos cales 55 son postos vacantes, coñecidos como interinos, o resto dos postos están ocupados por persoal laboral fixo.
O pasado 13 de outubro, nunha rolda de prensa onde estaba o Delegado Territorial mais os Secretarios Xerais das Consellarías de Educación e Traballo, anunciaba a xestión privada do Souto de Leixa.
Isto ten un só significado o desmantelamento por parte da Xunta de Galiza dos servizos públicos esenciais e básicos para este tipo de nenos e nenas. Os traballadores/as entendemos que esta política que esta a empregar a Xunta, no só significa a eliminación do persoal laboral senón unha mingua xeneralizada na calidade asistencial a estes nenos e nenas. Como por exemplo menos talleres ocupacionais, menos persoal de atención directa, menos persoal de servizos, menos persoal de enfermería e médicos, etc. etc. etc.
Instamos á Xunta de Galicia a garantir o mantemento da xestión pública do centro Souto de Leixa no proceso de segregación e posta en funcionamento mantendo os postos de traballo da totalidade da plantilla hoxe adscrita ao CEE Terra de Ferrol, na súa condición de empregados públicos, garantindo a calidade asistencial desenvolta ao día de hoxe.
IMPORTANTE O APOIO DE TODAS E TODOS CÓMO USUARIAS/OS E TRABALLADORAS/ES! APOIA AS MOBILIZACIÓNS, POLO FUTURO DE TODAS E TODOS! RECORDADE QUE O DÍA 21 DOMINGO, NOS VEMOS EN SANTIAGO ( SOS SANIDADE PÚBLICA)! |
Enviar um comentário
Nota: só um membro deste blogue pode publicar um comentário.