|
O PC da China e os seus diálogos estratéxicos co PASOK e a Internacional Socialista
|
25/11/2010 |
RizospastisÓrgano do CC do KKE19/11/2010É ben coñecido que o KKE chegou á conclusión de que na China actual se desenvolven as relacións capitalistas coa particularidade de isto acontecer so a dirección política dun partido que se di 'comunista'.Sábense ben as consecuencias deste desenvolvemento: ascenso de China á posición superior entre os países coa maior taxa de desenvolvemento capitalista e número de multimillonarios; abolición de importantes logros dos traballadores como a sanidade e a educación gratuítas que hoxe os traballadores teñen que pagar, millóns de desempregados e traballadores mal pagados.Por iso, non foi casualidade que Liu Jieyi -Director Adxunto do Departamento de Relacións Internacionais do Partido Comunista da China-, na súa reunión (16 de novembro) co primeiro ministro grego e presidente do PASOK e da Internacional Socialista, Georgios Papandreou, dixese que: «A relación entre o PASOK e o Partido Comunista da China é excelente e temos toda a intención de colaborar estreitamente para promovermos as relacións entre os partidos e, a través desta canle, reforzarmos a cooperación estratéxica excelente entre os dous países, especialmente agora que nos enfrontamos a tantos desafíos». Liu Jieyi non esqueceu felicitar a Papandreou polos «seus resultados excelentes nas eleccións». Non podería ser doutro xeito, xa que os representantes políticos dos monopolios (como COSCO*), independentemente da súa presentación ('socialista' en Grecia ou 'comunista' na China), entenden os seus intereses clasistas comúns.As decisión antipopulares do goberno do PASOK reciben o saúdo e o apoio dos funcionarios chineses coa condición de que abran o camiño para os monopolios chineses.Como soubemos por Liu Jieyi, o interese do Partido Comunista da China non se limita só ao PASOK 'socialista', senón que abrangue a Internacional Comunista no seu conxunto. Como el mesmo dixo: «Consideramos moi importante a continuación da coordinación e o intercambio de pareceres, así como o diálogo estratéxico entre a Internacional Socialista e o Partido Comunista da China. Temos toda a intención de continuar este diálogo porque nas reunións destes dous últimos días comprobamos as cousas en común entre a Internacional Socialista e a orientación política do Partido Comunista de China».Cómpre lembrarmos que esta 'Internacional' en concreto apoiou as guerras imperialistas dos EUA e da OTAN, que constitúen un piar político de apoio do sistema de explotación capitalista en Europa e en todo o mundo.Após todo isto, podémonos preguntar se o Partido Comunista da China está a piques de abandonar a súa última 'folla de figueira', o seu nome.-------- (*) Nota de Estoutras: COSCO, China Ocean Shipping (Group)Company, é unha das maiores empresas multinacionais de transporte marítimo, propiedade do goberno chinés, con seis sociedade e máis de 300 filiais. Posúe máis de 130 buques que operan en máis dun cento de peiraos de todo o mundo. |
|
|
|
|
|
Enviar um comentário
Nota: só um membro deste blogue pode publicar um comentário.