QUEN SEMENTA VENTO RECOLLE TEMPESTADES Declaración do Partido Comunista de Irlanda 17/11/2010
O Partido Comunista de Irlanda pide á clase traballadora, e en primeiro lugar ás organización que a din representaren, os sindicatos, a resistir as políticas que tanto a Unión Europea como o Fondo Monetario Internacional están impoñendo e imporán no futuro.
Sería gracioso, de non ser tan grave para a clase traballadora deste país, ver como os tres principais partidos institucionais compiten na súa pretendida defensa da soberanía nacional. Todos eles, xunto cos medios de comunicación, arremeteron contra aqueles que formulamos a cuestión da perda de soberanía de subscribirmos o Tratado de Lisboa e do resto de tratados anteriores. Seica non estamos cansos de escoitar a repetida tocata de que a soberanía é un ‘concepto pasado de moda’?
O pobo irlandés terá agora que soportar sobre as súas costas as débedas das empresas corporativas. Unha débeda insostíbel e impagábel. Trátase dunha masiva transferencia da riqueza dos traballadores ás corporacións financeiras mundiais.
As ‘receitas’ do FMI, como as que agora impón a Unión Europea, só provocarán a destrución dos servizos públicos. Os anciáns morrerán en cadeiras mentres agardan por unha cama, serán máis as crianzas que terán de renunciar a operacións e outros tratamentos e moitos irán á cama con fame. Pecharán hospitais e escolas; miles de xubilados acabarán na miseria.
As súas ‘receitas’ consisten en que os pobres, os enfermos, os nosos fillos, os traballadores, as pequenas empresas, os autónomos, as granxas familiares e os perceptores de prestacións sociais sexan quen paguen a crise do seu propio sistema.
Esta débeda corresponde aos especuladores, ás sociedade financeiras, as bancos alemáns e franceses. Non é unha débeda do pobo; non é a responsabilidade do pobo. |
Enviar um comentário
Nota: só um membro deste blogue pode publicar um comentário.