ADIANTE (Mocidade Comunista pola Independencia de Galiza)
Desde ADIANTE solidarizámonos incondicionalmente co Miguel, o xoven traballador, sindicalista da CUT e veciño do barrio vigués de Barreiro ingresado na cadea desde o pasado sábado. Miguel, un compañeiro exemplar e un militante infatigábel que loita cóbado con cóbado coa militancia de ADIANTE filiada á CUT, pasou 72 horas detido e privado dos seus dereitos na comisaría de Vigo acusado de, presuntamente, ter prendido lume a dúas oficinas do Inem da comarca. Pero se agora mesmo o xoven traballador está preso no CP A Lama non é por outra cousa que por razóns estrictamente políticas. Como temos salientado noutras ocasións, a prensa do sistema volveu a se coordenar dun xeito mais que descarado coas forzas represivas para criminalizar dunha forma sensacionalista ao compañeiro detido. É asi que, desde a nosa Organización, exiximos para xa a súa inmediata liberación e a recuperación de todos os seus dereitos fundamentais.
Para alén, e do mesmo xeito que amosamos todo o noso desprezo cara ese xornalismo lacaio e parapolicial, facémolo tamén cara eses burócratas subvencionados, malchamados sindicalistas, que se apresuraron a seren os primeiros en "condenar" (sic) os actos polos que se acusa ao xoven traballador represaliado. Está claro que non teñen as mesmas présas en "condenar" cando mozas e mozos coma él sufrimos o desemprego, a miseria, a precarieadade e os abusos da patronal.
Sen mais, desde a mocidade comunista galega, temos claro que a detención deste compañeiro quere ser un claro escarmento exemplarizante a toda a mocidade asalariada, estudante ou desempregada da clase obreira que estamos a reforzar día a día e consecuentemente as fileiras do movemento obreiro galego e do novo sindicalismo combativo, non-pactista, verdadeiramente nacional, verdadeiramente de clase e non-subvencionado.
SOLIDARIEDADE CO MIGUEL!! ADIANTE COA LOITA DA MOCIDADE OBREIRA! |
Enviar um comentário
Nota: só um membro deste blogue pode publicar um comentário.