|
Comunicado de varias organizacións en apoio a Leyla Ordóñez
|
17/02/2011 |
Leyla ten o status de refuxiada política recoñecido pola ONU e polo Goberno español, por ser perseguida polo Estado colombiano por mor da súa actividade política en defensa dos Dereitos Humanos.
É práctica cotiá do Estado colombiano perseguir tanto dentro como fóra do país a todas aquelas persoas que denuncian a situación de violación sistemática dos Dereitos Humanos en Colombia: persecución e asasinato de sindicalistas, desprazamentos masivos de poboacións campesiñas, asasinato de profesionais e candidatos electorais, desaparicións, etc., sendo este país onde máis sindicalistas son asasinados no mundo.
A detención de Leyla resopnde á tentativa do Goberno colombiano de calar as voces que no exterior denuncian o verdadeiro carácter do Estado colombiano.
Responsabilizamos o Goberno e a Xustiza española da sorte de Leyla de ser extraditada, xa que en Colombia a súa vida está en perigo.
Denunciamos o xuízo paralelo e a campaña mediática, de criminalización da solidariedade cos pobos que loitan pola súa liberación.
Esiximos a liberdade inmediata sen cargos de Leyla e o arquivo de todas as actuacións.
|
|
|
|
|
|
Enviar um comentário
Nota: só um membro deste blogue pode publicar um comentário.