A FPLP condena os masacres do réxime de Gaddafi contra o pobo libio
A Fronte Popular pola Liberación de Palestina esixiu o cese inmediato dos bombardeos e os masacres contra o heroico pobo libio, condenando o asasinato de manifestantes por parte do réxime de Gaddafi.
A FPLP demandou a protección do pobo libia e dos seus dereitos, e puxo énfase no seu apoio ás arelas do pobo de Libia e das masas árabes de liberdade, dignidade nacional e humana, democracia, xustiza social, e de loita contra a corrupción e a ditadura.
A Fronte demandou a inmediata fin da sanguenta agresión e opresión e exhortou a todos os defensores da dignidade e dereitos humanos nos países árabes e no mundo para deter o derramamento de sangue árabe nas rúas e terras de Libia, afirmando que o criminal réxime só se preocupa por manter o seu poder e vivir a expensas da escravitude da patria e do pobo.
A Fronte avoga pola solidariedade nacional e humanitaria co pobo de Libia, exhortando a participar na concentración convocada pola Rede de ONG e polas Forzas Nacionais e Islámicas na praza Manara para pedir a fin da ocupación e da división e a solidariedade cos árabes en Libia e coas masas árabes en todos os países. |
Enviar um comentário
Nota: só um membro deste blogue pode publicar um comentário.