Documental Volver a Nacer. Produción: Fundación CEPS.
Sinopse: En 1984, o goberno colombiano e a guerrilla das FARC acordaron o cese dos combates para iniciaren conversas de paz. Un ano despois xurdía un movemento político: a Unión Patriótica.
Os bos resultados das eleccións de 1986 desencadearon o comezo do xenocidio político da militancia da UP: en menos dunha década foron asasinados uns 4.000 simpatizantes e militantes, a maioría por paramilitares, militares e policías plenamente identificados. Apenas houbo condenas. Quen deron a orde de matar aínda permanecen impunes.
Durante todos eses anos de persecución, centos de militantes da UP abandonaron Colombia para fuxir das balas. Volver a nacer reconstrúe a tráxica historia deste partido a través dos testemuños das e dos exiliados no Estado español. Foron homes e mulleres valentes que deron todo polas súas ideas e no camiño perderon os seus compañeiros, fillos, pais, amigos, coñecidos... Hoxe, na dor por tantas ausencias, están orgullosos do que foron e do que son, malia a imposibilidade de regresaren a Colombia.
|
Está claro que non hai comparación posíbel en canto a liberdades entre Colombia e o estado español.
Mais aquí a cousa tampouco é jauja, e se non que llo digan aos bascos ou a outras organizacións ilegalizadas con gran parte dos seus militantes no caldeiro.
Dende logo é un documento de vídeo moi bo, que sen dúbida recomendo a todo o mundo.