A “Marcha Verde” que protagoniza o pobo libio encetou esta quinta feira desde a cidade de Trípoli, capital de Libia, cara a localidade de Benghazi, segunda cidade máis importante do país e bastión dos rebeldes, co obxectivo de dirimir as diferenzas cos insurxentes, acabar co conflito bélico e evitar unha invasión militar estranxeira.
O enviado especial de TeleSUR a Trípoli, Jordán Rodríguez, informou que a marcha xa comezou e percorrerá aproximadamente uns mil 200 quilómetros até Benghazi.
«Homes e mulleres pensan marchar pacificamente cara ao leste do seu país, pensan ir sumando xente en cada punto que encontren no camiño (...) A idea é chegar esta noite a Sirte (centro) e mañá seguir adiante até Benghazi”, sinalou.
Tamén informou que algúns voceiros da marcha deixaron claro que unha vez cheguen a Benghazi, buscaran resolver de forma pacífica as diferenzas co millón de persoas que están nesa cidade, declarada capital rebelde.
«Din que o problema non é se Muammar Al Gaddafi deixar ou non o a presidencia. Eles din que o problema é a unidade da súa nación e o retiro da agresión dos EUA, Franza e Inglaterra», aseverou.
A convocatoria dunha “Marcha Verde”, denominada así pola color da bandeira nacional, foi realizada polo líder libio, despois de que o sábado avións e buques da coalición imperialista bombardearan as posicións militares oficiais, para evitaren o seu ingreso armado en Benghazi.
Gaddafi invitou todos os libios a marchar até Benghazi, para sentar democraticamente a dialogar, atopar unha solución e así desarticular os plans que teñen as grandes potencias, como os EUA, para «dividiren e saquearen» a nación.
A axencia oficial libia Jana sinalou que moitos camiñantes levan ramos de oliveira nas súas mans, en sinal da vontade que teñen de «arranxaren os problemas de forma pacífica e non dar ocasión aos inimigos que atacan Libia e queren apoderarase das súas riquezas».
O Goberno libio denunciou nas últimas horas que os bombardeos das forzas estranxeiras estaban alcanzando a poboacións civís, deixando decenas de mortos e feridos.
«Un dos ataques alcanzou os socorristas que estaban a traballar para extraeren os mortos e feridos que deixaron os bombardeos previos nun barrio residencial da rexión», indicou a axencia Jana.
A coalición de guerra é liderada polos EUA, Franza e Gran Bretaña. Aínda que ningún dos tres gobernos quere asumir o mando dos ataques (EUA renunciou a el), deixaron claro que os bombardeos continuarán «todo o tempo que for necesario».
Hai uns días, o Secretario Xeral da OTAN, Anders Fogh Rasmussen, exhortou o Consello de Seguridade das Nacións Unidas «frear a inaceptábel vitoria de Gaddafi». Ese mesmo día, o Consello aprobou a zona de exclusión aérea na Libia e a intervención militar de potencias estranxeiras, o que constitúe unha plena violación da autodeterminación do pobo libio e a soberanía do país.
Enviar um comentário
Nota: só um membro deste blogue pode publicar um comentário.