O voceiro da Casa Branca, Jay Carney, recoñeceu abertamente que EUA pretende armar os rebeldes libios para se enfrontaren aos soldados de Gaddafi.
«A opción de dar armamento á oposición está encol da mesa porque ningunha opción está descartada», declarou Carney.
Outra das opcións de Washington é directamente a intervención armada en Libia.
O propio Barack Obama, durante unha reunión no Despacho Oval coa primeira ministra australiana, Gillard, recoñeceu que estuda a opción militar xunto «aos aliados da OTAN».
O Secretario Xeral da OTAN, Anders Fogh Rasmussen, dixo que a ONU «non pode permanecer pasiva», mostrándose partidario do envío de soldados a Libia.
Segundo informou Rasmussen en rolda de prensa, «o obxectivo da Alianza Atlántica é estar lista para actuar rapidamente de se lle solicitar».
O xornal Pakistan Observer afirmaba que forzas especiais do Reino Unido, Franza e EUA entraran en Libia para armaren e formaren militarmente ás milicias anti Gaddafi.
Este domingo o Secretario de Defensa británico, Liam Fox, recoñeceu que o seu país tiña un grupo de «militares e diplomáticos» dentro de Libia para «contactar» coa oposición a Gaddafi. |
Enviar um comentário
Nota: só um membro deste blogue pode publicar um comentário.