ESTOUTRAS: Libia: Comunicado da CIPOML

SOLIDARIEDADE CO POBO LIBIO

Comité de Coordinación da CIPOML
Marzo 2011

A reaccionaria coalición de forzas imperialistas que ataca militarmente a Libia, co pretexto de defender a poboación civil e se amparar nunha resolución con Consello Xeral da ONU, é unha agresión máis contra os pobos, agora o de Libia, onte os Balcáns, Iraq, Afganistán, brutalmente agredidos coa mesma escusa falaz. Esa coalición, Franza, Gran Bretaña e os EUA, coa complicidade activa dos reaccionarios gobernos de Italia, Estado español, Dinamarca... e a complicidade pasiva da Rusia e China, pois os dous países, ao NON exerceren o seu dereito de veto, daban hipocritamente o visto bo á agresión. Esa coalición reaccionaria, xa que logo, demostra con feitos a súa verdadeira natureza. O seu obxectivo non é a seguridade da poboación civil, senón o petróleo e a posición estratéxica de Libia e ameazar a rebelión e as loitas revolucionarias dos pobos árabes.

Ao aprobar a agresión a Libia, baseándose na resolución da ONU, o imperialismo pone outra vez de manifesto que pouco lle importa se as resolucións da ONU son xustas ou non, o que lle importa son os seus intereses, como demostra que sempre vetaron as resolucións, numerosas, a prol dos pobos de Palestina e o Sáhara.

Os rebeldes que loitan contra o reaccionario goberno de Muammar Al Gaddafi pronto descubrirán que os seus “protectores” non son tales, senón saqueadores e explotadores crueis, que substituirán Gaddafi, se logran derrubalo, por outro peón ao servizo do imperialismo. Cómpre lembrarmos que os participantes desa coalición, e demais países imperialistas e capitalistas, no pasado cortexaron Gaddafi, como tamén o fixeron co sátrapa Ben Alí na Tunisia, e o non menos reaccionario Hosni Mubarak (membro da Internacional Socialista!) en Exipto, ambos os dous derrocados por revoltas populares.

As revoltas que están a sacudir o Magreb e o Próximo Oriente (Marrocos, Iemen, Bahréin, Siria, posibelmente Alxeria) poñen en perigo os intereses estratéxicos das potencias imperialistas, o que dá lugar a intensificar as súas propias contradicións, como é o caso da agresión a Libia, entre o imperialismo francés, encabezado polo ultrareaccionario Sarkozy e o imperialismo alemán coa tamén reaccionaria Merkel. As profundas sacudidas nesta parte do mundo, levadas a cabo polos pobos contra réximes autoritarios cando non ditatoriais, e contra as grandes inxustizas sociais, fan tremer as posicións das potencias imperialistas e os seus aliados.

A Conferencia Internacional de Partidos e Organizacións Marxista-Leninistas, condena enerxicamente a brutal agresión contra Libia. Solidarizámonos coa xusta loita do seu pobo contra a reacción do Goberno de Gaddafi, por conquistar a democracia, a liberdade e a súa propia dignidade. Denunciamos tamén o dobre vara que aplica a ONU, e a hipocrisía de todos os países con gobernos presuntamente democráticos, ao apoiaren uns cantos, e silenciaren noutros, a agresión. Chamamos a manifestar por todos os medios a solidariedade co pobo libio e demais pobos en loita.

Enviar um comentário