Tropas estadounidenses, francesas e inglesas en Libia
Akhtar Jamal 02/03/11
Estados Unidos, Inglaterra e Franza enviaron centos de 'asesores' para adestraren e apoiaren as forzas anti-Gaddafi no leste de Liba, zona rica en petróleo, controladas aparentemente por 'grupos de rebeldes armados'.
Segundo unha información confirmada por un diplomático libio na rexión, os tres países occidentais desembarcaron forzas especiais en Cirenaica, onde agora están estabelecendo as súas bases e centros de formación «para reforzaren as forzas rebeldes que están a resistir aos seguidores de Gaddafi en diversas zonas adxacentes».
Un funcionario libio que pediu non ser identificado afirmou que as tropas estadounidenses e inglesas foron desembarcadas na noite entre o 23 e 24 de febreiro a través de buques de guerra americanos e franceses e pequenos barcos nos portos libios de Benghazi e Tobruk.
As forzas occidentais están presuntamente a preparar as bases de adestramento de milicias locais para resistiren a presión das forzas leais a Gaddafi e controlaren esta zona rica en petróleo.
Outras informacións falan de que os esforzos por 'neutralizar' a Forza Aérea libia están tamén en marcha, e así limitar o poder de Gaddafi a Trípoli e illalo do resto do país.
Namentres, tres buques de guerra da India foron tamén enviados ás zonas controladas polos rebeldes (...)
|
Enviar um comentário
Nota: só um membro deste blogue pode publicar um comentário.