XA BASTA!!
Ante a folga de fame das presas e presos políticos comunistas
O COMITÉ DE SOLIDARIEDADE COS PRESOS E PRESAS POLÍTICAS quere manifestar a súa solidariedade con Manuel Pérez Martínez (Arenas), secretario xeral do PCE(r), en folga de fame dende o pasado 1 de abril. Unha folga de fame á que veñen de sumarse todos os presos e presas políticas comunistas dese partido e os antifascistas dos GRAPO e SRI.
Arenas esta sendo obxecto de toda unha serie de medidas represivas inxustificábeis dende que fora trasladado á prisión de Castellón II: espidos integrais, ameazas dos carcereiros e de presos de ultradereita, anulación das visitas... Medidas que agravan o xa de seu severo réxime de illamento que padecen tanto Manuel Pérez como o resto de presas e presos políticos dende hai décadas.
É claro que para o Estado non se trata unicamente de condenar á perpetuidade aos revolucionarios/as. Non se trata tan só de amañar xuízos, inventar leis ou “doutrinas”... Ademais de todo iso hai que exterminar aos presos e presas políticas, hai que acabar co seu exemplo facéndolle a vida imposíbel no cárcere. Iso é o que están a facer con Manuel Pérez, pero tamén co noso veciño Paco Cela que leva tres anos completamente illado ou co vigués Xaime Simón en prisión dende 1985, entre outros e outras. Iso por non falar da situación de gran número de compañeiros e compañeiras gravemente enfermos.
Por todo iso, dende este COMITÉ DE SOLIDARIEDADE, entendemos está folga de fame indefinida dos presos e presas como un “XA BASTA!” de todo o Colectivo de presas e presos do PCE(r), GRAPO e SRI. Un berro de rabia ao debemos responder solidariamente apoiando a súas demandas, denunciando a conculcación dos seus dereitos dende os diferentes Colectivos ou creando Comités de Apoio que organicen a solidariedade cos folguistas.
Non máis abusos dentro das cadeas!!
Liberdade presos e presas coa condena cumprida!!
Liberdade presos e presas enfermas!!
Fin da dispersión e o réxime de illamento!!
Amnistía Total!!
COMITÉ DE SOLIDARIEDADE COS PRESOS/AS POLÍTICOS/AS
A Coruña, 7de abril de 2011
Rematada a folga de fame por parte de Manuel Arenas.
http://jmalvarezblog.blogspot.com/2011/04/manuel-perez-martinez-camarada-arenas.html#more
http://www.presos.org.es/
Ánimo! Agora a pola liberdade!