Solidariedade con Manuel Pérez Martínez, "Camarada Arenas"
O Colectivo Marxista-Leninista Forxa! manifesta a súa total solidariedade con Manuel Pérez Martínez, “Camarada Arenas”, Secretario Xeral do PCE(r), quen onte, 1 de abril de 2011, encetou unha valente folga de fame indefinida.
Desde que foi dispersado ao cárcere de Castelló II, a situación deste comunista non parou de empeorar. A conculcación dos máis mínimos dereitos, como o simple acceso a material de escritura e lectura, e o continuo trato vexatorio e humillante ao que é sometido tanto el como as persoas que o visitan, obrigaron a Manuel a tomar esta drástica decisión.
Manifestamos o noso apoio a Manuel e aos seus familiares nestes momentos tan duros e avogamos pola posta en liberdade de Manuel e de todas as presas e presos revolucionarios.
Denunciamos as políticas de exterminio que a clase burguesa está levando contra as e os combatentes encarcerados.
Liberdade Camarada Arenas! Amnistía Presas e Presos Políticos! Viva a Loita da Clase Obreira!
Colectivo Marxista-Leninista Forxa! 2 de abril de 2011
|
Enviar um comentário
Nota: só um membro deste blogue pode publicar um comentário.