11/04/11
 O 82.8% dos eslovenos rexeitaron a reforma laboral proposta polo Goberno, segundo os resultados preliminares oficiais publicados pola Comisión Electoral Nacional.
O “Si” tan só acadou o apoio do 19,8% dos votos e a participación foi do 33.7%.
A reforma laboral foi aprobada en novembro polo Parlamento e facilita ás empresas os despedimentos dos traballadores e a creación de contratos precarios a tempo parcial.
Ademais, inclúe subidas de impostas para os estudantes que traballen e endurece as condicións de acceso ao mercado laboral destes. As asociacións de estudantes e sindicatos esixiron someter a normativa a referendo e desenvolveron unha campaña contra a reforma argumentando que facilitar unicamente a creación de emprego precario e mal pagado.
«Este resultado é desastroso para o primeiro ministro Borut Pahor (Partido Socialdemócrata). A porcentaxe de quen votou contra a reforma é sorprendentemente alto (...) e significa que non hai ningunha esperanza de que o Goberno gañe ningún referendo de aquí até a fin do seu mandato», opinou o director do xornal Zurnal24, Borut Hocevar, en declaracións a Reuters.
O Goberno afronta agora con peores perspectivas o referendo previsto para maio sobre a reforma das pensións que o propio Pahor cualificou de «crucial» para a estabilidade das contas públicas eslovenas a longo prazo. A reforma proposta polo Goberno inclúe atrasar aos 65 anos a idade de xubilación, actualmente fixada en 57 anos para as mulleres e en 58 para os homes. |
Como as gastan as socialdemocracias europeas. Espero que o pobo esloveno se rebote, non coma no Estado español, que parecemos todos unha panda de peleles.