 22/06/11
Após un debate de tres días de duración no Parlamento, o 22 de xuño, o Goberno reformado logrou o voto de confianza cos votos dos deputados do PASOK. Dos 298 deputados que participación na votación, 155 deron o seu voto de confianza ao Goberno e 143 votaron en contra.
A Secretaria Xeral do C.C. do KKE, Aleka Papariga, denunciou a chantaxe que o Goberno e a UE formulan contra os traballadores gregos:
«O ultimato da UE, da zona Euro, non se dirixe ao Goberno grego – que xa o aceptou hai moito tempo – senón ao pobo grego. Esíxelle que baixe a cabeza e que de non consentir non recibirá a quinta entrega do préstamo.»
Como subliñou Papariga: «Consideramos que o pobo grego ten de enviar o seu propio ultimato. Isto é o mellor que pode facer. Non pode haber ningunha negociación radical no marco da UE. Hai partidos da oposición que fan suxestións ao Goberno. Ou ben estamos ante unha chamada solución fácil ou ante unha proposta que ignora o carácter da UE. Diría que se tratar dunha ignorancia deliberada da verdadeira natureza desta alianza depredadora, como a chamamos, e que dada a situación esta caracterización é suave. Xa que logo, o pobo grego debe enviar o seu propio ultimato. A respecto disto cómpre sinalamos todo o que ao pobo grego lle deben a UE, os gobernos da ND e do PASOK, a burguesía de Grecia, todos os seus sectores industriais, os armadores, os banqueiros, os comerciantes, etc.»
Desde o estrado do Parlamento, a Secretaria Xeral do C.C. do KKE chamou os traballadores a faceren caso omiso das chantaxes intimidatorias e tomaren parte activa na loita: «Agora que o pobo abre os ollos e o medo fai espertar as consciencias – porque tamén existe o medo ao despido, etc.,- o KKE promove con maior intensidade a idea de que o pobo debe tomar nas súas mans a propiedade dos medios de produción así como dos recursos naturais do país».
Os sindicatos de clase aglutinados na PAME chaman a unha folga de 48 horas en canto o Goberno leve ao Parlamento o novo paquete de medidas antipopulares. |
Enviar um comentário
Nota: só um membro deste blogue pode publicar um comentário.