The Telegraph
Andrew Gilligan
11/09/11
Até o mes pasado, a cidade de Tawarga foi o fogar de 10 mil civís
Mais ao anoitecer durante a semana pasada, os bloques de apartamentos estendíanse na distancia negros e mortos, e o único que se movía eran as ovellas.
Esta vila pro-Gaddafi foi baleirada dos seus habitantes, padeceu os ataques vandálicos das forzas rebeldes e foi parcialmente queimada. The Sunday Telegraph foi o primeiro en visitar a escena do que semella ser a primeira grande represalia contra os seguidores do antigo réxime.
«Démoslles trinta días para saíren», dixo Abdul el-Mutalib Fatateth, o oficial ao mando das tropas rebeldes en Tawarga, mentres os soldados xogaban ao fútbol diante dun dos bloques de apartamentos baleiros. «Dixémoslles que de non marcharen ían ser conquistados e encarcerados. Todos marcharon e non permitiremos que volvan.»
(...)
E como tantas veces na Libia, tamén hai un elemento racista. Moitos habitantes de Tawarga, e aquí nin hai inmigrantes nin os tan cacarexados mercenarios africanos de Gaddafi, son descendentes de escravos, e a súa pel é máis escura do que a maioría dos libios. Ao longo da estrada que vai a Tawarga, a Brigada Misurata fixo esta pintada: «A Brigada para purgar os escravos e negros.» [«the brigade for purging slaves [and] black skin»]
(...) |
Enviar um comentário
Nota: só um membro deste blogue pode publicar um comentário.