Desta vez, grupos organización con ordes concretas e grupos anarcofascistas desencadearon un ataque con cócteles molotov, gases lacrimóxenos, granadas de atordamento e pedras no seu intento de dispersaren a grande manifestación de obreiros e do pobo na Praza Sintagma e, en especial, na área onde se concentrou a PAME. O resultado deste ataque foi a morte do sindicalista da PAME, Kotzaridis Dimitris, de 53 anos, secretario da sección sindical de traballadores da construción, no barrio de Vironas. Ademais, decenas de manifestantes da PAME resultaron feridos.
O odio dos encarrapuchados contra o movemento obreiro popular e a PAME expresa a furia das forzas que serven o sistema e o poder burgués. O goberno ten moita responsabilidade nisto. A operación de intimidación, de calumnia e represión do movemento obreiro-popular ten as súas raíces nas estruturas, servizos e centros estatais. Isto demostrouse na historia e tamén no último brutal ataque asasino. Os encarrapuchados, os anarco-autonomistas, fascistas, ou como se chamaren, encargáronse de facer o que non conseguiron facer as forzas de represión, a chantaxe e ameazas para intimidar o pobo e que este baixe a cabeza. Son os mesmos que levaron a cabo o incendio provocador e asasino de MARFIN o día da votación do memorando, o 5 de maio de 2010.
O seu obxectivo de dispersar a manifestación da PAME fracasou. Do mesmo xeito deben fracasar os planes do goberno, dos mecanismo do sistema, dos partidos da plutocracia que queren intimidar e reprimir o torrente de contraataque dos obreiros e do pobo que saíron ás rúas na folga de 48 horas.
O KKE expresa o seu pesar e condolencias á familia de Dimitris Kotzaridis, que caeu loitando pola causa xusta da clase obreira e do pobo. Expresa a súa solidariedade cos manifestantes feridos, con todos os que defenderon a manifestación obreira e popular dos grupos provocadores. Chama o pobo a se pór en pé de maneira decidida, a loitar a carón do KKE, a se unir aos sindicatos, á PAME e demais organización radicais que loitan contra a política antipopular, contra o poder dos monopolios. Esta é a forza da oposición aos partidos da plutocracia, a Unión Europea e o FMI. Esta é a forza do pobo para rexeitar as medidas bárbaras, a violencia e a intimidación de todo tipo de mecanismo de represión. O pobo pode derrocar a política e o poder antipopular.
Atenas, 20 de outubro de 2011 Oficina de Prensa do C.C. do KKE |
Buen blog, camaradas.
¡Larga vida al socialismo!