18/11/11
38 anos despois do levantamento dos estudantes da Politécnica e dos obreiros de Atenas contra a ditadura militar, decenas de milleiros de obreiros, estudantes, mocidade, desempregados, etc., demostraron onte (17/11) nunha gran marcha antiimperialista desde o centro de Atenas até a embaixada dos EUA, así como en ducias de cidades de toda Grecia. Enviaron unha clara e forte mensaxe contra o goberno da fronte negra dos partidos da plutocracia (PASOK-ND-LAOS) que xa procedeu a brutais recortes, altos impostos, privatizacións a expensas da clase obreira e das familias traballadoras.
Na grande manifestación convocada pola PAME, a Fronte de Estudantes en Loita, PASEVE, PASY e OGE, impúxose unha frase de orde que marcou o espírito da marcha: «Obreiro, sen ti a engrenaxe non funciona, ti podes facelo sen xefes.»
Unha delegación do C.C. do KKE, encabezada pola Secretaria Xeral do C.C. do KKE, Aleka Papariga, marchou na dianteira da marcha.
Un exemplo característico da práctica da solidariedade de clase foi a recadación de fondos de axuda para apoiar a xusta loita dos obreiros da Greek Steel Mills, quen levan 18 días de folga contra os despedimentos e as intimidacións dos patróns. |
Enviar um comentário
Nota: só um membro deste blogue pode publicar um comentário.