O sindicato PAME convoca mañá 7 de febreiro unha nova folga xeral contra as novas medidas impostas pola troika coa colaboración dos partidos burgueses gregos. Despedimento de 15.000 empregados públicos, novos recortes en pensións e salarios, e máis diñeiro para os bancos. A miseria entre as clases traballadoras para que os parasitos da burguesía europea poidan seguir lucrándose a mans cheas.
Nunha declaración de Aleka Papariga, Secretaria Xeral do KKE, fixo un chamamento para «facer todo o posíbel a través da intensificación das mobilizacións para que non se aprobe o acordo sobre a débeda, para que non se adopte o novo memorando, para derrocar o goberno a través da vontada, da acción e da intervención organizada do pobo.»
Mais este é só un primeiro paso. Non abonda con derrocar o goberno, «o importante é derrocar a clase que está no poder, porque daquela xa se poderá falar non só dun goberno popular, senón dun poder popular.» (...) O importante é que o pobo se apodere da economía do país, é dicir, dos medios de produción, os monopolios, as empresas. Calquera outra solución daría azos aos sistema político burgués.» Non hai lugar para propostas parciais, reformistas, a solución é «o poder popular e obreiro. Sen o poder do pobo non é posíbel enfrontar o círculo vicioso da crise, por suposto xunto coa retirada da UE e a cancelación unilateral da débeda.»
Papariga advertiu que ninguén pode deixarse arrastrar polos falsas alternativas dos distintos axentes da burguesía: «Nada é peor que un pobo con medo e que elixa entre os dilemas formulados polos seus explotadores.»
|
Enviar um comentário
Nota: só um membro deste blogue pode publicar um comentário.