 Madialeva
En rematando a sintonía que abre o programa especial que a Cadea SER lle dedica ao primeiro aniversario da “revolución” siria, a voz da presentadora principia a recitar a lección ben aprendida de medias verdades e mentiras puras, adubado todo cunha boa dose de demagoxia e estudadas pausas dramáticas para acrecentar a maldade conxénita duns e o altruísmo anxelical dos outros. Como un Mago Antón do xornalismo mercenario, a botar man da arte de predistixitación, a locutora, a locutora CRIMINAL con todas as letras, e quen de converter en verdugo á vítima e en guerrilleiros do Movemento 26 de Xullo a espiritados asasinos sectarios e mercenarios de toda condición.
A presentadora dá paso durante as horas que dura o programa otanista (ou onanista, termo máis acaído para Santiago Alba Rico e demais tropa) a un nutrido grupo de “expertos” (desa clase de “expertos” que tan só un ano atrás terían dificultades para situaren Siria nun mapamundi); xornalistas teledirixidos que, após dúas horas nas fronteira turca ou xordana, se transforman en lexítimos voceiros das arelas de todo o pobo sirio; e, vaites!, presuntos exiliados sirios cuxo amor á Patria é tan elevado como para non perderen a oportunidade de imploraren á OTAN/ONU/UE unha treboada de bombas sobre vilas e cidades sirias.
Tanto pluralismo marea. Tanta deontoloxía xornalística provoca espasmos. Son os mesmos malnacidos que colaboraron, a tunearen a realidade para edificaren un imaxinario colectivo cimentado na falsificación, no masacre de milleiros de libios.
En calquera caso, litros de sangue dabondo como para inclinaren a balanza da romana que algún día a necesaria e agardada xustiza popular ha de usar. |
Entiendo que te cause indignación escuchar un programa de radio como el que dices,pero ¿qué se puede esperar de esa cadena de radio,prensa y TV? yo mismo contesto :manipulación;con todo lo que dicha palabra conlleva en el sentido más negativo del término.Un saludo.