04/05/12
O xefe dos observadores da ONU saíulles “cuba de ameneiro” a Hillary Clinton, Obama e Sarkozy, ao declarar que o exército sirio non violou o alto o fogo reclamado polo organismo internacional.
Este responsábel non é outro que un xeneral noruegués, Robert Mood, quen estimou onte quinta feira que «Cando dous individuos empregan armamento, o primeiro en deixar de disparar ten de ser o máis poderoso. Quen deu ese paso? Para min é evidente que foi o exército sirio o primeiro en facer calar as armas».
Un terríbel desgusto para a prensa internacional ao servizo da mentira, que pode custarlle caro a tan nobre uniformado.
Lembro que os observadores que chegaron a Iraq para “comprobaren” a existencia de armas de destrución masiva, regresaron a Nova York afirmando que non había a menor pegada delas. Foron cesados de inmediato.
O xeneral Mood, nunha conferencia de prensa que tivo lugar na castigada vila de Homs, indicou que as autoridades sirias non puxeran a menor obxección a que o numeroso grupo de observadores se desprazase por onde quixer.
Os filósofos que aplaudiron os masacres da OTAN na Libia e claman por unha mesma acción contra Siria, non están para festas.
O responsábel dos observadores dixo máis: «O punto de partida da nosa misión foi o compromiso explícito e claro de que as dúas partes enfrontadas debían mostrar a súa vontade inequívoca de atenuaren e deteren toda violencia. E debo dicir que nos lugares onde investigamos, constatamos os esforzos do Goberno sirio neste aspecto. Un dato máis que positivo», declarou o militar noruegués perante o abraio da prensa internacional.
|
Pronto enviará alí observadores que sí digan o que lle interese ó Obama,