ESTOUTRAS: O test de Michel Collon sobre Kosovo

Destacados

Principais cambios nas prestacións por desemprego (xullo 2012)
Actualizado o 28 de xullo coas modificacions a respecto dos contratos a tempo parcial e a súa compatibilidade coas prestacións
A insurrección siria no seu contexto
Stephen Gowans
Libia e os medios de comunicación "alternativos"

Libia: o Imperialismo e a Esquerda
Stephen Gowans
Khrushchev Mentiu, o libro de Grover Furr agora en inglés
Georgian Times entrevista a Grover Furr
As Tres Bagoas do Mundial
Como en Grecia: érguete e anda
Sete toneladas de Lenin en Seattle
Liberdade Arenas!
Novo couce á Historia: a OSCE aproba declarar o 23 de agosto Día das Vítimas do Estalinismo e o Nazismo
Holodomor:
Falsificando a Historia

Biblioteca
Marxista-Leninista

Textos

O test de Michel Collon sobre Kosovo

29/08/2006

Resgatamos un dos populares (entre certos círculos, evidentemente) test de Michael Collon. Aquí podes atopar o orixinal en francés.

Kosovo: Acción humanitária?

Estas doce afirmacións poden ser CERTAS, FALSAS ou NEN CERTAS NEN FALTAS:

1. "En 1989 Milosevic provoca a Kosovo polo seu discurso antialbanés."
2. "Kosovo era unha rexión albanesa que os sérvios ocuparon."
3. "En Rambouillet, os intransixentes sérvios rexeitaron calquer acordo."
4. En Racak, en xaneiro de 1999, a policia xugoslava masacrou 40 civís."
5. "O movimento albanés UCK era unha vítica dos sérvios."
6. "Este é un obxectivo humanitário, é por iso polo que Ocidente interven."
7. "Os Estados Unidos non tiñan nengún interese estratéxico nesta rexión."
8. "A OTAN parou un xenocídio cometido polos sérvios."
9. "Atoparon-se fosas comúns que provan o xenocídio."
10. "Milosevic organizou os crimes contra a povoación albanesa."
11. "A OTAN efectuou unha guerra limpa."
12. " A OTAN instaurou un Kosovo multiétnico."

1. "En 1989 Milosevic provoca a Kosovo polo seu discurso antialbanés."
FALSO

Por que os meios de comunicación ocidentais nunca citaron a máis mínima frase deste discurso? Acontecia exactamente o contrário:

"Nunca sérvia foi habitada únicamente por sérvios. Vivan hoxe, máis que anteriormente, moitos cidadáns doutras nacións, doutras étnias. Iso non é mao para o páis. Estou convencido, sinceramente, de que representa unha avantaxe. (...) Xugoslávia é unha comunidade multinacional e non pode sobreviver se non existe unha igualdade total de todas as nacións. Os inimigos destas comunidades, internos ou externos, saben-no ben e centran, en xeral , as suas actividades subversivas no aprofundamento dos conflitos inter-étnicos."

2. "Kosovo era unha rexión albanesa que os sérvios ocuparon."
FALSO

Desde hai séculos, Kosovo estaba povoado por numerosas nacionalidades: sérvios, Albaneses, Musulmáns, Xudeos, turcos, exípcios... Pouco importa quen teña chegado alí primeiro! Todos deverian ter os mesmo direitos. Mas...
Durante a II Guerra Mundial, os fascistas italianos, e despois os alemáns, matan a un elevado número de sérvios. En 1945, o líder xugoslavo Tito non autoriza o seu regreso. Nos 70 e 80, a província é administrada por funcionários... albaneses. O 10 de novembro de 1987, o New York Times escrebe o que os meios de comunicación ocidentais se gardarian ben de repetir en adiante:

"Realmente, os albaneses controlan xa cada fase da vida de Kosovo: a policía, a xustiza, a agricultura, as fábricas, as aldeas e as cidades..., actualmente os sérvios están en fuga perante a crecente violéncia albanesa. Uns vinte mil deixaron Kosovo estes sete últimos anos..."

3. "En Rambouillet, os intransixentes sérvios rexeitaron calquer acordo."
FALSO

Na "negociación" de Rambouillet, iniciada en 1999, a OTAN quixo impór a ocupación militar de toda Xugoslávia. Así como a privatización das riquezas de Kosovo polas multinacionais. Incluso impediu que sérvios e albaneses falasen.

4. En Racak, en xaneiro de 1999, a policia xugoslava masacrou 40 civís."
FALSO

Eran as vítimas dunha confrontación entre dous exércitos. Esta manipulación foi organizada por un axente americano, Willian Walker, que fora cómplice dos escuadróns da morte en El Salvador e Nicarágua (anos 80). O TPI de La Haya evitou convocar á xefa da equipa internacional de lexisladores. Toda guerra comeza cunha grande méia verdade: imaxes terríveis, mais manipuladas para enganar á opinión pública.

5. "O movimento albanés UCK era unha vítica dos sérvios."
FALSO

O 22 de fevreiro de 1998, o enviado especial dos Estados Unidos nos Balcáns, Robert Gelbarb, declara públicamente: "Sei que algúen é terrorista en canto o vexo. E digo-vos que esta xente do UCK son terroristas".

De feito son numerosos os informes oficiais que estabelecen que o movimento separatista albanés mataba deliberadamente non só a policias e funcionários sérvios, senón tamén a albaneses casados con sérvios ou que se negaban a apoiar ao UCK. Mália isto, tres meses máis tarde, os servizós de asuntos estranxeiros dos Estados Unidos declaran o contrário:

"A opinión dos Estados Unidos é que o UCK non é unha organización terrorista".

A CIA vai formar e armar a estes terroristas. Seguidamente, a OTAN vai tornar-se a sua forza aérea. Por que? Con que interese?

6. "Este é un obxectivo humanitário, é por iso polo que Ocidente interven."
FALSO

No momento de desencadear os bombardeos sobre Xugoslávia, o presidente Clinton confia a funcionários norteamericanos o seu verdadeiro obxectivo:

" Se queremos relacións económicas sólidas, que nos permitan vender en todo o mundo, é necesário que Europa sexa a chave... Esta é razón polo que actuamos deste xeito en Kosovo".

Tes dias máis tarde, o New York Times confirma que se trata dunha guerra de mundialización:

"Para que a globalización avance, América non deve temer agir como a superpoténcia ominipotente que é. A man invisível do mercado non funcionaria nunca sen un puño oculto. McDonalds non poderia prosperar sen McDonnel Douglas, o construtor do avión F-15. E o puño agachado que garante un mundo seguro para as tecnoloxias do Silicon Valley, este puño chama-se exército dos Estados Unidos."

7. "Os Estados Unidos non tiñan nengún interese estratéxico nesta rexión."
FALSO

Grazas aos bombardeos, a OTAN foi quen de liquidar os vestíxios da economia socialista e instalar en Belgrado un governo do FMI, que elevou o prezo do pan de 4 a 30 dinares, cuadruplicou o da electricidade (cobizado por empresas estranxeiras), lanzou a privatización para benefício das multinacionais e preparou 800.000 despidos.

Alén diso, Washington ergueu a xigantesca base militar de Campo Bondsteel, exactamento ao lado da futura TUBERIA
dos Estados Unidos que transportará cara a Europa o petróleo e o gas da antiga Unión Soviética. Un imensa cidade, con 7.000 soldados e pistas para bombareiros alugadas por 99 anos, que permitirá controla o Cáucaso ou ameazar Moscovo.

8. "A OTAN parou un xenocídio cometido polos sérvios."
FALSO

En xuño de 2001, Jamie Shea, voceiro da OTAN, admitiu "que non habia un xenocídio en Kosovo". Quince dias antes da guerra, un relatório oficial da oficina de Asusntos Estranxeiros de Alemaña ainda declaraba: "Non existe persecución étnica contra os albaneses como grupo. Só confrontacións entre dous exércitos."

9. "Atoparon-se fosas comúns que provan o xenocídio."
FALSO

Após moi longas investigacións, 2.108 corpos foron exumados. De todas as nacionalidades. Algúns víticas das bombas da OTAN, outros dos ataques do UCK, e outros por ataques de algunhas forzas sérvias. Son estes tres factores, e non un só, os que provocaron o éxodo masivo dos refuxiados albaneses no início da guerra.

O xenocídio (100.000 civís destrozados) era unha invención da propaganda.

10. "Milosevic organizou os crimes contra a povoación albanesa."
FALSO

As ordes dadas á policia sérvia pasaban por protexer a todos os civís, incluidos albaneses. Após os bombardeos, certos elementos policiais e paramilitares cometeron efectivamente crimes (asasinatos, voos, destruizóns) contra civís albaneses. Mais foron castigados rápidamente e encarcerados, baixo Milosevic, pola Xustiza de Belgrado.

11. "A OTAN efectuou unha guerra limpa."
FALSO

O Xefe de Estado Maio belga, Herteleer, recoñeceu-no: "Fagamos mal á povoación sérvia". Resultado: 2.000 civis mortos, 5.000 feridos, unha xerazón de crianzas traumatizadas, 147 hospitais afectados, fábricas civís, etc... Obxectivo real: pór un povo de xeonllos para abrir as portas á invasión das multinacionais. A OTAN empregou contra civís armas proibidas polos acordos de Xenebra: 1. Bombas de fragmentación. 2. Bombas ao grafito que paralisan a electricidade. 3. Armas de uránio empobrecido provocando cancros e mutacións xenéticas, afectando tamén a soldados norteamericanos. Mais, declarou o congresista ianqui Munson: "Nunca verá a pilotos da OTAN nun tribunal da ONU. A OTAN é o acusador, o fiscal, o xuiz, o xuri e o executor, porque é a OTAN quen paga as facturas do TPI. A OTAN non se somete ao direito internacional. É o direito internacional."

12. " A OTAN instaurou un Kosovo multiétnico."
FALSO

Desde a ocupación, unha auténtica limpeza étnica expulsou 230.000 SÉRVIOS, xudeos, ciganos, musulmáns, turcos e outras minorias. Os 40.000 soldados da OTAN non atoparon nen unha soa das 1.200 persoas secuestradas polo UCK. A máfia reina en Kosovo, eixo neurálxico do movimento de droga, armas e prostitución cara a Europa.

Ver respostas

Etiquetas: Europa