Europa Press 26/09/06
A Corte Suprema do estado índio de Kerala(1) anulou a proibición que existia desde o pasado mes de agosto, pola que se vetaba ao xigante estadounidense Coca-Cola a vender os seus produtos neste estado do país. Esta decisión, que tamén foi levada á prática por outros estados da Índia, foi tomada despois de que unha equipa de científicos informasen ás autoridades de que os refrescos de Coca-Cola e PepsiCo contiñan elevados índices de pesticidas. A este respeito, Coca-Cola apresentou unha petición escrita á Corte Superior de Kerala na que se pedia que se levantara o veto. Agora, a decisión foi ao seu favor. Desde Coca-Cola adminten sentir-se "muito agradecidos" de que a Corte Suprema de Kerala anulara as proibicións do Governo do Estado e das autoridades sanitárias que databan do 10 de agosto, polas que se proibia a producción e a venda dos seus produtos. Esta nova decisión, segundo afirman desde a multinacional norteamericana, protexe os intereses tanto dos grandes e pequenos comércios, como dos empresários locais e dos traballadores, os cais se viran afectados pola anterior proibición. Ademáis, na sua páxina web, Coca-Cola Índia informa aos seus consumidores que, en resposta aos seus intereses, "tomarán rápidamente medidas para que os seus produtos estén a disposición neste Estado". Asemade, a multinacional recalca a idea de que "sempre" estiveron seguros da calidade dos seus refrescos neste país no que respeita á aparición no seu contido de pesticidas, xa que son producidos "co mesmo nível de pureza que nos Estados Unidos". Por outra banda, Coca-Cola Índia agarda que esta decisión da Corte Suprema de Kerala sexa "secundada" polos Governos do resto de Estados índios que ainda manteñen a sua proibición sobre os seus produtos.
(1) NdT. Keral é un estado índio governado por forzas comunistas. A porcentaxe de alfabetización supera o 90%, cando no resto da Índia non chega ao 65%. Etiquetas: Asia |
Enviar um comentário
Nota: só um membro deste blogue pode publicar um comentário.