|
Permanecen desaparecidos dous activistas políticos filipinos
|
05/09/2006 |
Prensa Latina (04/09/06)
Os dous integrantes do partido de esquerda Anak Pawis de Filipinas secuestrados o pasado venres permanecen até hoxe desaparecidos, segundo denúncia do grupo humanitário Karapatan.
Sinalaron que o secuestro aconteceu na cidade de Cebú, a uns 600 quilómetros da capital, cando os activistas políticos collian un taxi. Gerard Lavadia, de 32 anos, e Sharón Abangan, de 33, foron levados xunto ao chofe do veículo á comisaria nacional sen orde de arresto, indicaron. Explicaron que Lavadia logrou enviar á sua irmá unha mensaxe de texto através do seu móbil. Os seus familiares foron á delegación policial o venres e o sábado pasados, mais se lles comunicou que os detidos non estaban alí.
A organización humanitária apontou que esas detencións son parte das ordes lanzadas contra grupos políticos opositores acusados de pertencer á guerrilla comunista. Karapatan instou ás autoridades a rematar con estes actos por considerá-los parte dunha campaña anticomunista e lesivos ao estado de direito e á xustiza social.
Esta ofensiva xeralizou-se no país após o prazo de 24 meses fixado pola presidenta Glória Macapagal para acabar co Novo Exército do Povo, brazo armado do Partido Comunista de Filipinas. Segundo as cifras de organizacións humanitárias filipinas, máis de 700 persoas foron asasinadas por motivos políticos desque Arroyo tomou tomou o poder en 2001.Etiquetas: Asia |
|
|
|
|
|
Enviar um comentário
Nota: só um membro deste blogue pode publicar um comentário.