En 1961, a revista de banda deseñada Treasure Chest, publicada pola norteamericana Catholic Guild, adicaba nada menos que 10 números a explicar aos seus leitores os perigos do comunismo. O director do Departamento de Xustiza norteamericano, John Edgar Hoover, xa o di nunha espécie de prólogo: "o comunismo representa a ameaza máis séria para o noso estilo de vida. (...) Vosté coñecerá e entenderá a natureza do comunismo. Este coñecimento é esencial para poder recoñecer e detectar aos comunistas cando tenten infiltrar-se nos distintos segmentos da nosa sociedade".
O feito de que sexa unha revista relixiosa e nos Estados Unidos de princípios dos 60 non fai que este anticomunismo sexa máis simples que o xa coñecido por esas datas representado, na literatura "séria", polas obras, por exemplo, de George Orwell. De feitos, estamos ante os mesmos argumentos e os mesmos lugares comúns na história do anticomunismo, leve este o disfarce dunha banda deseñada relixiosa ou dun louvado escritor. Ligazón a Communism: Threat to Liberty Etiquetas: Partidos Comunistas/Marxismo/Historia do Socialismo |
Enviar um comentário
Nota: só um membro deste blogue pode publicar um comentário.