Hai poucos dias deu-se a coñecer un novo grupo armado en Iraq. Trata-se da organización comunista Resisténcia Revolucionária Armada Iraquiana.
Na propaganda repartida nas cidades de Najaf, Hilla e Karbala, e na que destacaba a imaxe do revolucionário Che Guevara, chamaba á "resisténcia contra os ocupantes norteamericanos, británicos e sionistas, para liberar Iraq e construir unha alternativa democrática socialista". Tamén condenan ao "governo de títeres, o chamado Consello de Representantes, ás milícias Salafis, ao Ministério de Interior, aos traidores iraquianos que chegaron en tanques americanos, aos mercenários americanos e británicos, aos contratistas, e aos seus criados do Exército Libanés do Sul." Impreso en árabe e inglés, a declaración afirma que os coches-bomba e as bombas nos camiños que matan a iraquies son colocadas por estes grupos para danar a reputación da resisténcia iraquiana.
O grupo, que se descrebe como un "movimento de comunistas, marxistas e nacionalistas de esquerda iraquianos experimentados na loita", reivindicou un ataque contra tropas ianquis na área de Al-Nus Khan, entre Najaf e Karbala, acontecido o pasado domingo 6 de maio.
Etiquetas: Países Árabes/Sionismo |
Enviar um comentário
Nota: só um membro deste blogue pode publicar um comentário.