O Comité Central da Fronte Popular para a Liberación de Palestina expresa o seu loito ao pobo palestino, o pobo árabe e todos os pobos libres do mundo, polo seu fundador e o líder da súa marcha, o doutor George Habash, Al-Hakim, Fundador do Movemento Nacionalista Árabe e o FPLP.
Co martirio do fundador, o pobo palestino e a nación árabe perden unha icona e un símbolo da súa resistencia, que foi firme e comprometido durante sete décadas de loita contra o inimigo dos palestino e do pobo árabe, e na confrontación coas forzas da opresión, a hexemonía e a inxustiza.
Un grande líder caeu, mais as súas ideas, os principios e a visión non. Defendeu os seus principios cun valente e veraz compromiso coa loita contra o imperialismo e as forzas derrotistas. Malia todas as condicións e circunstancias, Al-Hakim estivo sempre comprometido coa liberación de Palestina, toda Palestina, desde o río até o mar. Palestina perdeu hoxe un dos seus máis grandes homes. Gloria a Al-Hakim!
Diante do noso pobo e da figura do noso grande líder e símbolo da nosa loita, comprometémonos a continuar marchando polo seu camiño e co seu método, co valor e a vontade dos pobos libres, até a liberación total de todos os palestinos.
Viva a Revolución! Gloria a Al-Hakim e a todos os mártires!
Comité Central da Fronte Popular para a Liberación de Palestina. 26 de xaneiro de 2008.
Etiquetas: Países Árabes/Sionismo |
Enviar um comentário
Nota: só um membro deste blogue pode publicar um comentário.